تستمع الآن

ابنة محمد متولي ترد على فكري صادق: والدي لا يقبل دور مرشح له زميل آخر

الخميس - ٢٩ سبتمبر ٢٠٢٢

ردت الفنانة الشابة سمر محمد متولي ابنة الفنان القدير الراحل محمد متولي على تصريحات الفنان فكري صادق حول دور والدها في فيلم «سلام يا صاحبي».

وكتبت سمر عبر «فيسبوك»: «مع كامل احترامي للأستاذ فكري صادق بس للأسف معنديش أي إثبات علي كلامه بالنفي أو التصديق لأن والدي الله يرحمه في ذمه الله مش هعرف أساله بس كام دور لو جينا نشوف في حياه كل فنان جاله ومحصلش نصيب فيه.. بس اللي عايزة أوضحه بابي الله يرحمه كان إنسان مخلص جدا يعني عمره لو كان عرف إن في دور جاله كان مرشح ليه زميل آخر كان هيقبل قبل ما يكلم الزميل الآخر يتأكد من اعتذاره للدور مثلا الصول شرابي في المال والبنون كان في الجزء الأول الفنان القدير حسن حسني الله يرحمه والدي كلمه مخصوص في الجزء التاني لما جاله الدور عشان يتأكد إنه علي علم بالتغيرات اللي حصلت وهو أكدله إنه وقتها مشغول بتصوير أعمال تانية وأنه راضي تماما».

سلام يا صاحبي

وتابعت: «مع العلم إنه بابي كان في زملاء آخرين كانوا بيبقوا عارفين إنه هو في دور معين في عمل ما وبالنص يتقال للمنتج هو بياخد كام أنا هاخد أقل منه واديني الدور وكان بيكون عارف مين وبالاسم وعمره ما بيعاتبه خلاص مش نصيبه …فبالتأكيد والدي لو كان علي علم بدور خوليو إنه كان لحد تاني كان هيكلمه بردو وهيقوله».

وأكدت: «خوليو من أعز الأدوار لقلبه كان كل ما بيجي الفيلم يقولي ليه الناس هتفضل تحب سلام يا صاحبي طول العمر ومتزهقش منه عشان الفيلم ده الناس محتاجة تشوف الصاحب الجدع الوفي اللي مبيسبش صاحبه وفي ظهره مهما حصل خوليو كان حالة مش بس شخصية تجسد خوليو هو محمد متولي نفسه بطيبته وجدعنته وشهامته».

محمد متولي

وكان مجلس إدارة نقابة المهن التمثيلية برئاسة أشرف زكي قد قرر إحالة الفنان فكري صادق إلى جلسة تحقيق عاجلة، للوقوف على حقيقة التصريحات التي نسبت إليه، وتنال من زملاء فنانين في ذمة الله، وذلك بعد أن أثار فكري صادق الجدل بعد تصريحات عن سعيد صالح، حيث اعتبرها البعض تقليلا من شأن نجم كبير.


الكلمات المتعلقة‎


مواضيع ممكن تعجبك