تستمع الآن

محمد كريم: «مش علشان اشتغلت في هوليوود هشوف إنه قليل أعمل مسلسل في رمضان»

الأحد - ٣١ يوليو ٢٠٢٢

تحدث الفنان المصري محمد كريم عن تفاصيل فيلمه الثاني في هوليوود A Day To Die مع الفنان العالمي بروس ويليس، وذلك خلال العرض الأول للفيلم في دبي.

وقال كريم في مقابلة مع «ET بالعربي»: «الجايزة بتاعتي إن الشغل اللي بقاله سنة شغال عليه، ومش قادر تقول حاجة عنه، أبقى بتكلم عنه مع الجمهور العربي ويشاركني الفرحة».

وأضاف: «بعتبر دي خطوة مهمة جدا بالنسبة لي إن أقدر أعمل فيلم أكشن مع واحد من أبطالي طول حياتي، وكنت ساعات بسأله عن مشاهد معينة، وكانت تجربة حلوة جدا، ولما عرفت إنه بطل الفيلم كانت سعادتي كبيرة جدا».

بروس ويليس و محمد كريم

وعن دوره في الفيلم قال: «هو محقق ومركز إنه يطلع الحقيقة ومش هامّه حاجة حتى لو هيتقتل وعنده صراع بين شغله والناس بره».

وتابع: «أنا كنت مبسوط إني بشوف المشاهد الكبيرة والإنتاج الكبير ده بيتنفذ إزاي، لدرجة إنهم فضوا لنا مدينة كاملة علشان نصور مشاهد سرقة البنك والتفجيرات».

وعن إمكانية رجوعه للمشاركة في أعمال مصرية أو عربية، قال: «السيناريو أهم حاجة لو أنا معايا سيناريو حلو مالوش علاقة أنتي هتصوريه فين في مصر في الخليج في أمريكا، له علاقة أنتي جزء من منظومة صح أو غلط من مخرج ومنتج وممثلين، مالوش علاقة إني صورت مع نيكولاس كيدج وبروس ويليس وأفلام في هوليوود إني مش هعرف أعمل بطولة في فيلم في مصر أو أشوف إنه قليل أعمل مسلسل في رمضان».

وأكد: «شايف مستوى الأفلام والمسلسلات اختلف تمام وعندنا مستوى ما يقلش عن الحاجات في نتفليكس وأمازون، والجيل اللي طالع عاوز يعمل حاجة كبيرة».


الكلمات المتعلقة‎


مواضيع ممكن تعجبك