تستمع الآن

«مجرد هزار».. محمد هنيدي يعلق على «بوست» مشروعه الجديد «أبو كلسون»

الثلاثاء - ١٩ يوليو ٢٠٢٢

حرص الفنان محمد هنيدي إيضاح مقصده من إعلانه عن مشروع القرن الذي يفكر في تنفيذه، وهو «البوست» الذي نشره في إطار من السخرية بسبب الأزمة التي تُثار كل صيف بسبب البوركيني والبيكيني.

وشوق «هنيدي» جمهوره لمشروعه الجديد، وكتب عبر حسابه الرسمي على «فيسبوك» مازحا: «خلاص استقريت على مشروع، اللي هيكون أهم مشروع في القرن 21».

وفي الوقت المحدد، عاد محمد هنيدي ليكتب إلى متابعيه: «مشروع القرن لكل الرجالة والشباب اللي كانت بتتمنع أو بتتكسف تنزل الشواطئ بكلسوناتها، قدرت أحل المشكلة وأحول لكم الكلسون لبراند».

ونشر محمد هنيدي عبر صفحته على فيسبوك صورته من أحد مشاهد فيلم “صعيدي في الجامعة الأمريكية” وهو يقف بالكلسون ووضع بجانبها صور أصغر لعارضي ملابس داخلية يقفون بالكلسون، وكتب ساخرا : “أبو كلسون الزي الرسمي للصيف. من دلوقتي هتقدر تخرج بكلسونك على البحر وأنت فخور وتنال إعجاب كل صحابك وكل زوار البحر في الساحل”.

وأضاف «هنيدي» مازحا: «هتقدر تنزل به 177 شاطئ في مصر من أفخم الشواطئ، محدش هيقدر يمنعك ولا يتريق عليك لأنك لابس براند ثمنه 6 آلاف جنيه، يشمل الدخول لكل الأماكن الغالية والشواطئ والفنادق اللي فوق 50 ألف جنيه في الليلة، وممكن تدخل به من بوابات مارينا بدون ما حد يكلمك، متوفر بكل الألوان، وألوان الطيف ناقصة لون».

وسرعان ما أوضح «هنيدي» حقيقة منشوره، وكتب في تعليق: «طبعا الكلام هزار، ألبسوا اللي تحبوه في أي مكان عايزينه، مش لازم تلبس حاجة غالية عشان تعجب الناس ويقولوا ده ابن ناس. زي ما قال أبويا (ياما ناس لابسة بس قليلة الرباية)، واللي يحكم عليك بلبسك بيبقى عقله أصغر من عقل بسيط في كارتون سبونج بوب مع الاعتذار لبسين».

وقبل يوم، طلب محمد هنيدي من جمهوره «مساعدة»، قائلا: «عايزكم تقترحولي مشروع كده أعمله من المشاريع اللي بتيجي فكرتها للواحد وهو قاعد على القهوة وبيضرب شاي نعناع ومعاه ازازة المياه المشبرة من فلتر حنفية القهوة، عشان المياه المعدنية غالية».

وبعد إعلان مشروع «أبو كلسون»، أوضح «هنيدي»: «الفكرة دي خلاصة 12 كوباية شاي نعناع في قهوة المحروسة في طنطا، ويا ريت صاحبها يقدم المياه المعدنية كـ إزازة اختيارية بينها وبين مياه الحنفية، مش عشان القهوة واخدة ناصيتين تجبر الناس تشتري معدني».

يذكر أن محمد هنيدي انتهى مؤخرا من تصوير فيلم «الجواهرجي» من تأليف عمر طاهر، إخراج إسلام خيري، ويشاركه البطولة منى زكي، أحمد السعدني، لبلبة، الفنان الراحل أحمد حلاوة، ريم مصطفى، عارفة عبد الرسول وتارا عماد.


الكلمات المتعلقة‎


مواضيع ممكن تعجبك