تستمع الآن

تامر حسني يطرح فكرة «المليون أخ» للتكفل بعلاج الحالات المرضية الصعبة| صورة

الأحد - ٢٦ يونيو ٢٠٢٢

كشف الفنان تامر حسني عن دعمه لحملة إنسانية تستهدف علاج الحالات المرضية الصعبة، مشيرا إلى أنه يتمنى أن يتم رعايتها ودعمها من أجل كل مريض.

وقال تامر حسني عبر صفحته على موقع “انستجرام”، إن تلك الفكرة التي تحمل اسم “المليون أخ” من شأنها حل أزمة الأمراض المكلفة في مصر، موضحا: “الفكرة مش هتخلي مريض واحد في مصر يمد إيده لحد.. لو مليون مصري اشترك فيها هنحل.. مليون مصري بس من الـ 120 مليون مصري هيتطوعوا على حساب معين للتبرع وهيكون في لجنه مسؤولة من جهة رسمية مسؤولة في الدولة بتقيم الحالة ماديًا”.

وأكمل: “المليون مشترك دول هيكونوا بيتبرعوا بشكل دائم كزكاة عنهم وعن أولادهم لخدمة مجتمع كامل وممكن نسميها مثلا صفحة (المليون أخ).. كل ما تظهر حالة محتاجة رقم صعب الصفحة هتدرسها وتعلن عن الحالة وتكلفتها التبرع هيبقى في حدود من 20 جنيهًا لـ 40 جنيهًا حسب الحالة بس ساعتها أول ما هنعلن هنجمع الفلوس في ثانية لكل المحتاجين وكل المقتدرين اللي ربنا هينور قلوبهم وهيشتركوا في الحساب ده”.

وتابع تامر: “مش هيحسوا أنهم دفعوا حاجة بس هينقذوا حياة اطفال كتير وناس كتير محتاجة.. ومين عارف جايز الفكرة دي تخلي مفيش ولا واحد مريض في مصر مش لاقي يتعالج وجايز المليون مشترك يكتروا”.

تامر حسني

وأضاف: “والله والله والله.. دي فكرة بسيطة مش هتكلف حد بس هتخدم ناس كتير هتخدم بلد هتخدم كل المحتاجين ونخليهم ميمدوش إيديهم لحد يكسفهم.. ربنا خلقنا عشان نساعد بعض وزي ما علمنا رسولنا الكريم.. خير الناس أنفعهم للناس يعني ربنا بيحب الناس اللي بتنفع الناس وأي صدقة بتخرج من أي حد مستحيل تنقص ماله بالعكس هيضاعفها ربنا في رزقه وهيكرمه ويطهره ويرفع عنه بيها يارب الفكره دي تتحقق”.

آخر أعمال تامر حسني

وينتظر الفنان الشاب عرض فيلم “بحبك” المقرر عرضه ضمن موسم عيد الأضحى 2022، مع الفنانة هنا الزاهد.

فيلم “بحبك” من بطولة: هنا الزاهد، حمدي الميرغني، عالية راشد، هدي المفتي، شهد الشاطر.


الكلمات المتعلقة‎


مواضيع ممكن تعجبك