تستمع الآن

تامر حسني في رسالة للشباب: مهما كانت الصعاب أنت لازم تبقى بطل قصة حياتك

الخميس - ٢٣ يونيو ٢٠٢٢

أعرب الفنان تامر حسني عن سعادته بسبب استعانة بعض الطلاب بأغنية له في مشروع التخرج الخاص بهم، موضحا أنه في التجهيز للأغنية كان ينوي أن تصل إلى إحساس الناس.

ونشر تامر حسني فيديو عبر حسابه الشخصي على موقع التواصل الاجتماعي «إنستجرام» يظهر خلاله مجموعة من الطلبة أثناء عرض مشروع تخرجهم وفي الخلفية أغنية «الموضوع فيك».

وعلق تامر على الفيديو قائلا: «فرحة عمري لما شباب عظيم من شباب مصر الواعد يستوحي مشروع تخرجه أو يقتدي بأغنيه ليا زي الموضوع فيك أو مش تمثال أو قد التحدي».

وأضاف تامر حسني: «والله والله وأنا بعمل الأغاني دي كانت دي نيتي أنها تتحس ويتعمل بيها مش تتسمع بس، والحمدلله اللي طلبته من ربنا حصل، عشان اللي بيطلع من القلب بيوصل للقلب».

وتابع: «مبروك شباب مصر العظيم، يارب حياة جديدة كلها خير ونجاح وطموح لا ينقطع، ربنا يفرح أهاليكم بيكم، أنتوا أملنا وأنتوا النماذج المشرفة الحقيقية».

وأكد: «الحقيقة اتطلب مني كلمة أقولها للشباب اللي بيتخرجوا، بس أنا كدا كدا كنت هكتب لكل شبابنا مش اللي بيتخرج بس بكتب لينا كلنا، اكتروا وخلوا أيديكم في أيد بعض، هفضل أقولها مفيش حل غير أنك تنجح، لما بتنجح كل الناس بتقدرك واللي مكانش فاهمك ومصدقك بيصدقك وبيحترمك، لما بتنجح بتبقى قوي ومرغوب فيك، لما بتنجح ربنا بيحبك وبيستخدمك عشان تنفع غيرك».

 

View this post on Instagram

 

A post shared by Tamer Hosny (@tamerhosny)

وأردف: «يا شباب يا جميل ما تبخلوش على بعض بالنصيحة والكلمة الطيبة وفعل الخير، أي فكر شرير مهما كان كتير لازم يلاقي قصاده فكر خير أكبر وأكتر عشان ننهض ببلدنا ونسلمها لأولادنا أحسن من ما كانت في زمننا، هي دي رسالتنا كبشر، وكل حد فينا مادام بيصحى من النوم بيلاقي نفسه لسه عايش لازم يعرف أنه لسه مطلوب منه مهام في الدنيا لازم يعملها ويفرح أن ربنا مديله وقت وعمر يحقق فيه».

وواصل: «ومهما كانت الصعاب أنت لازم تبقى بطل قصة حياتك، عمركم سمعتوا عن بطل معندوش معاناة؟ مستحيل، المعاناة دي اللي هتصنع منك راجل قد المسؤولية، وهتبقى بسببها بطل في قصة حياتك، ومش عيب تبدأ من الصفر ياما ناس بدأت من تحت الصفر، ووصلوا لأكتر من أحلامهم، أنتوا كمان هتوصلوا».

واختتم: «ثقوا في نفسكوا وخلوا يقينكم بالله أقوى شيء، صراع الدنيا صراع يقيني، صدق نفسك أنت تقدر وأنتي تقدري، يعلم ربنا أنا بحبكوا قد أيه ونفسي أشوف شباب الوطن كله ناجح وفرحان ومفرح أهله، مبروك يا أمل مصر».

يذكر أن تامر حسني ينتظر عرض فيلمه الجديد “بحبك” في عيد الأضحى المقبل، ويخوض من خلاله تجربة الإخراج السينمائي للمرة الأولى، وذلك بجانب لعب دور البطولة وكتابة الفيلم، ويشاركه البطولة هنا الزاهد، هدى المفتي، حمدي الميرغني ومدحت إسماعيل.


الكلمات المتعلقة‎


مواضيع ممكن تعجبك