تستمع الآن

إسماعيل شرف لـ«عيش صباحك»: «نجاح المسلسلات الوطنية مضمون لأنها بتحكي بطولات حقيقية»

الأربعاء - ٢٢ يونيو ٢٠٢٢

حل الفنان إسماعيل شرف ضيفًا على يوسف التهامي وفانا إمام في «عيش صباحك» على «نجوم إف.إم»، الأربعاء، للحديث عن آخر أعماله الفنية.

وتحدث الفنان إسماعيل شرف في البداية عن آخر أعماله الفنية في رمضان وهو مسلسل «العائدون» حيث قال: «قبل ما أعرف السكريبت، أي عمل فيه الأستاذ أحمد نادر جلال بروح له جري وأنا بحبه عالمستوى الشخصي، وهو كمخرج راجل تقيل ومحترف جدًا، وكمان لما عرفت الموضوع من ملفات المخابرات كان شرف ليا المشاركة».

مسلسل العائدون

وتابع: «الملف نفسه كان بيتكلم عن زراعة عنصر ليك جوا داعش وده حاجة في منتهى الصعوبة والخطورة، واختراق التنظيم المتطرف ده فيه صعوبة شديدة فالموضوع كان مشوق جدًا».

وأكد: «نجاح المسلسلات الوطنية بيكون مضمون لأنها بتحكي حاجة حقيقية وبطولات أجهزة الدولة، والناس مجرد بتسمع عن حدوث عملية ما لكن الموضوع أكبر جدًا وفيه تفاصيل كتير، وكمان استشهاد الضباط والجنود  بنحس بغصة إن فيه ناس راحت علشان نعيش في أمان، فإن المواطن العادي يعرف كواليس العمليات دي ده مبهر بالنسبة له ومتشوق جدًا يعرف تفاصيل».

مسلسل «العائدون» بطولة أمير كرارة، أمينة خليل، محمود عبد المغني، محمد الأحمد، رشا بلال، ميدو عادل، إسلام جمال، نبيل عيسى، جيهان خليل، محمد عز، وهاجر الشرنوبى، وصبرى عبد المنعم، وعدد كبير من ضيوف شرف، منهم محمد ممدوح، محمد فراج، تأليف باهر دويدار، وإخراج أحمد نادر جلال.


الكلمات المتعلقة‎


مواضيع ممكن تعجبك