تستمع الآن

إسماعيل شرف لـ«عيش صباحك»: مسلسل «دنيا تانية» اتظلم في وقت وقنوات عرضه

الأربعاء - ٢٢ يونيو ٢٠٢٢

حل الفنان إسماعيل شرف ضيفًا على يوسف التهامي وفانا إمام في «عيش صباحك» على «نجوم إف.إم» اليوم الأربعاء، للحديث عن آخر أعماله الفنية.

دنيا تانية

وقال إسماعيل شرف أن مسلسل «دنيا تانية» الذي شارك فيه رمضان الماضي، ظُلم في موعد وقنوات عرضه وأن موضوعه كان يستحق أن يراه عدد أكبر من الجمهور.

وأوضح: «كان بيمس الشباب والطلبة في المدارس وعلاقتهم ببعض وأسرهم ودي حاجة مهمة في كل بيت، فكنت أتمنى عرضه في أكتر من قناة وميعاد، يمكن السنة دي كان فيه الاختيار رقم واحد في المشاهدة وكمان أحمد مكي في الكبير أوي أكل الدنيا، وكمان جزيرة غمام اللي كنت أتمنى المشاركة في عمل زي ده، لكن يمكن كان فيه مسلسلات كتير موضوعاتها كويسة لكن اتظلمت في وقت وقنوات العرض».

إسماعيل شرف

وتحدث عن المشاركة في أكثر من عمل في نفس الوقت، خاصة بعد مشاركتيه في «العائدون» و«دنيا تانية» وحلوله ضيف شرف «سوتس بالعربي»، حيث قال: «اللي بيفرض على الممثل الشغل هو العمل وقوته من سكريبت ومخرج وأبطال العمل، ساعات بقول هشتغل مسلسل واحد في رمضان وألاقي واحد تاني ما يتسابش، والناس بتقول لي أنت كده هتحرق نفسك، لكن بتلاقي عمل جيد، وأنت عاوز تعمل تاريخ، وبتبقى خايف تسيب حاجة تكون فرصة ما تجيش تاني».

سوتس بالعربي

كما عبر عن سعادته بالمشاركة كضيف شرف حلقات مسلسل «سوتس بالعربي»، موضحًا «لما دخلت اللوكيشن لقيته مرعب ومهندس الديكور عامل شغل عالمي، والمنتج طارق الجنايني ما بخلش عالمسلسل، وكل الأبطال اللي شاركوا كانوا مميزين جدا، وكان شرف لي إني أشارك وفي الآخر اسمه مشهد ممكن ما يضيفليش كتير لكن عمل بالحجم ده كان شرف لي المشاركة فيه».

ومسلسل «دنيا تانية» من بطولة: ليلى علوي، مي سليم، فراس سعيد، نورهان، أحمد عزمي، أشرف زكي، وفاء صادق، وإخراج أحمد عبد العال.


الكلمات المتعلقة‎


مواضيع ممكن تعجبك