تستمع الآن

مصطفى كامل يكشف تفاصيل أزمته الصحية الأخيرة لأول مرة

الأربعاء - ٢٥ مايو ٢٠٢٢

كشف الفنان مصطفى كامل تفاصيل أزمته الصحية التي عانى منها مؤخرًا

وقال في مداخلة هاتفية للإعلامي سيد علي في برنامج «حضرة المواطن»: «الحياة مش مستاهلة جري أكتر من اللازم أنا معروف عني إني دؤوب في شغلي، وحتى زوجتي وأصحابي بيقولوا لي كتير كده وده كان السبب».

وأوضح تفاصيل ما حدث له قائلًا: «كنت رايح للموزع باسم منير علشان أغنية هتنزل في الصيف، وكنت حاسس إني تعبان وقلت لزوجتي إني حاسس بتعب قالت لي خلاص ما تنزلش قلت لها الراجل مستنيني علشان نشتغل، واشتغلنا، ومروح الساعة 6 وفي ميدان العباسية لقيت لحظات سكرات الموت».

وتابع: «روحي اتقبضت وعيني مزغللة مش شايف العربيات جاي أحط إيدي عالفتيس لقيتها بتترعش مش عارف أجيب التليفون، واتشاهدت، وجبت التليفون بصعوبة، وكل اللي قلته لمراتي إني بتشاهد وبموت وابعتي لي ابني علشان ما اتبهدلش، وفوقت في المستشفى، والدكتور قال لي إني كنت في أزمة عصبية Panic attack بتبقى أكتر من الأزمة القلبية، لكن أنا الحمد لله دلوقت».

وكانت السيدة هبة فرغلي زوجة المطرب مصطفي كامل، قالت إن زوجها شعر ببعض التعب في الاستوديو وأثناء رجوعه من العمل لم تكن عنده القدرة علي القيادة، واتصل بشخص ليأخذه إلي أحد المستشفيات.


الكلمات المتعلقة‎


مواضيع ممكن تعجبك