تستمع الآن

هنادي مهنا تكشف لـ«نجوم رمضان أقربلك» كواليسها مع أكرم حسني وأيتن عامر في «مكتوب عليا»

الثلاثاء - ٢٦ أبريل ٢٠٢٢

استضافت إنجي علي في حلقة اليوم من «نجوم رمضان أقربلك» الفنانة هنادي مهنا للحديث عن مسلسلها الرمضاني «مكتوب عليا» مع الفنان أكرم حسني.

وقالت إنها حزينة لانتهاء التصوير لأنها اعتادت الأجواء المرحة التي قضتها بين فريق عمل المسلسل والتي كانت ممتعة طوال الوقت.

سلمى

وعن دورها قالت إنها شعرت بالارتياح لأنه لم يكن مطلوب منها إضحاك الجمهور أو تقديم الكوميديا ولكن هي تعاملت  بطبيعية فكانت تضحك بشكل طبيعي في شخصية «سلمى» كما يضحك الجمهور العادي على إفيهات «جلجل».

وأوضحت أن من الصفات المشتركة بين شخصيتها في العمل وشخصيتها الحقيقية هي الذاجة أحيانًا وكذلك سهولة شعورها بالضيق تجاه مواقف معينة.

هاني مهنا

وقال والدها الفنان والموسيقار هاني مهنا في مداخلة هاتفية: «شهادتي فيها مجروحة، بس هنادي السنة دي منفردة بشخصية أول مرة تعملها، كوميدية لطيفة، والموضوع كله جميل وكل المشاركين فيه ما قصروش، وهي بتكمل الصورة الجميلة للمسلسل بشكل تلقائي مفيهوش تكلف تحسي إنها بنت واحدة من وسطنا، ومش متكلفة وتلقائية».

وأكد أنه «واثق في اختياراتها، وهي رفضت حاجات كتير، ودي حاجة مبشرة لما بحس إنها قد المسئولية وبتنتقي الشيء اللي يناسبها وتأدي فيه وما بتنجرفش للناحية الاقتصادية إلا للورق فقط».

كما أوضحت هنادي: «ماما بتتفرج دايما على حاجات فرنساوي إلا الحاجات اللي أنا فيها، لكن بابا باخد رأيه أكيد لأنه حد فاهم وفي الوسط من زمان».

أكرم حسني

وتحدثت عن الكواليس مع بطل العمل أكرم حسني قائلة: «ما بعرفش أمسك نفسي في المشاهد وبضحك وعجبتني طريقة مذاكرته وهو مش أناني، وهو بني آدم سوي ومحترم وفاهم بيعمل إيه، وبيحب الناس اللي حواليه، وده بيخليكي تعملي الشغل حلو علشان هو يستاهل».

أيتن عامر

كما تحدثت عن أيتن عامر: «هي خطيرة وأنا بتعلم منها وهي موهوبة ومبهرة جدًا وشاطرة أوي، وأنا كنت مبسوطة وهي بنت بلد وجدعة».

خالد الحلفاوي

وقدم مخرج العمل خالد الحلفاوي شهادته في أداء هنادي مهنا، في مداخلة هاتفية قال فيها: «بشتغل في المجال بقالي 20 سنة ما شوفتش زي هنادي، كمية الطاقة الإيجابية والالتزام ومهتمة وغير متزمرة وشكّائه وبتحط روح حلوة في اللوكيشن وبتساعدنا، وكمية الحب اللي بتشتغل بيها، حابة إنها تكون موجودة، وعاوز أقول له متشكر على وجودك معانا وعلى راسي المجهود اللي حطته في العمل، ونفسي أشتغل معاها تاني ورابع».

كما تحدث عن الفنان أكرم حسني: «دي تاني مرة مع أكرم، ورغم إن مهنة المخرج بيكون فيها وحدة وهو المسئول، مع أكرم بحس إن فيه حد في كتفي ومعايا في التفاصيل وباخد رأيك لما أشك في حاجة، وبتطمن لما بسمع رأيك وألاقيه متفق مع رأي، وهو ذكي وعميق وشاطر جدًا».


الكلمات المتعلقة‎


مواضيع ممكن تعجبك