تستمع الآن

محمود حجازي يخضع لجراحة بسبب إصابته خلال تصوير «يوتيرن»

الثلاثاء - ١٩ أبريل ٢٠٢٢

خضع الفنان محمود حجازي لعملية جراحية بعد إصابته خلال تصوير مسلسله الرمضاني «يوتيرن».

وكشف «حجازي» أنه تعرض لخلع في الكتف خلال التصوير وأنه استمر في التصوير لمدة 5 أيام وهو مصاب.

وكتب عبر حسابه في «فيسبوك»: «الحمد لله عملت عمليه النهارده كان التوقيت صعب جدا عشان كان بقالي ٥ ايام كتفي مخلوع وانا بصور بيه وماعنديش إجازة ولسه بصور بس الحمد لله علي كل شي العمليه نجحت وهخرج النهارده وهكمل تاني تصوير من بكره ان شاء الله استكمالا للانتهاء من الأعمال الرمضانية ويارب شغلي السنه دي يكون عاجبكوا».

وكان محمود دافع عن زميلته ريهام حجاج بعد تداول أخبار وشائعات من تصوير مسلسل «يوتيرن» عن تدخلها في قرارات تخص العمل وأسماء أبطاله على التتر.

وكتب: «زعلت جدا لما شوفت الحملات والناس اللي عايزه تستغل الخبر ده لهدم وتشويه شخص هو بعيد كل البعد عن القرار ده بس لمجرد انهم عايزين يهدموا اي نجاح بشكل مليان ظلم وعدم فهم واستنتاجات ليس لها علاقه بالحقيقه .. والمشكله ان دي طريقه بتتكرر وكل مره بقول اكيد الناس هاتفهم لوحده بس الاقي الموضوع مكمل بطرق غريبه والغريب اكتر ان في ناس بتستغل الموضوع ده .. وانا مش بكتب الكلام  ده و مستني اي حاجه غير اني حسيت لو انا اللي وقع عليه الظلم ده وعايز الناس تفهم بس».

مسلسل «يوتيرن» بطولة ريهام حجاج، الفنان الكبير توفيق عبدالحميد، عبير صبرى، كريم قاسم، محمود حجازي، أيمن قسيونى، صفاء الطوخى، محمود حجازى، نانسي صلاح، نورهان، عبير منير، وهلا السعيد وعدد آخر من الفنانين، والعمل تأليف أيمن سلامة، وإخراج سامح عبد العزيز.


الكلمات المتعلقة‎


مواضيع ممكن تعجبك