تستمع الآن

كريم قاسم يدافع عن ريهام حجاج: «اللي بيحصل ضدها ممنهج»

الإثنين - ١٨ أبريل ٢٠٢٢

دافع الفنان كريم قاسم عن الفنانة ريهام حجاج زميلته في مسلسل «يوتيرن» بعد عدة أزمات شهدتها كواليس العمل مؤخرًا.

وقال في فيديو نشرته ريهام عبر «إنستجرام» إن المسلسل واجه افتراء من بعض الناس، وتابع: «حد يطلع يعمل مونتير ويقولك أنا اشتغلت وهو أصلاً مالهوش علاقة بالمسلسل، وواحدة تتكلم على التتر وتقولك أصلها ظلمتنى، يا جماعة أنتوا بتلغوا مؤسسة كاملة، فيه شركة إنتاج، وفيه مخرج، وفيه ناس تانية بتاخد قرارات، أنا عمال أغنى ظلم ظلمات بتاعت التتر بسبب المواقف دى، فى إيه يا جماعة، وابتديت أحس إن فيه حاجة ممنهجة، بالذات ضد ريهام».

وأضاف كريم قاسم : «أنا متفهم إن فيه ناس ممكن ما تحبش ممثل، لكن لما جيت أركز شوية، ولما تابعت الكومنتات، لقيت حوالى 70 ٪ منها صفحات فيك عمرها ما نشرت بوستات، وبالمناسبة أنا تانى سنة أشتغل مع ريهام حجاج ما شوفتش منها حاجة واحدة وحشة، بل بالعكس وقفت جنبى كتير، أوقات كتير ماكنتش قادر أشتغل سواء السنة دى، أو السنة قبل اللى فاتت أو متضايق من حاجة أو كدة، كانت هى تتدخل وتحل رغم إن ده مش شغلانتها، ففعلا أنا ما شوفتش منها حاجة واحدة وحشة».

وعن اعتزال الفنان توفيق عبد الحميد بعد العمل، قال: «إحنا كلنا تفاجئنا إنه نزل البوست ده فى التوقيت ده، بس أنا برضه مع شغلى معاه مقدر جدًا، لأن الظروف اللى بنشتغل فيها أتغيرت، إحنا بنصور يوميًا 14 و18 ساعة وأحيانا بنوصل لـ 23 ساعة يوميا، وطبعا أنا مقدر ظروفه الصحية».

 

View this post on Instagram

 

A post shared by Riham Hagag (@rihamhagag)

مسلسل «يوتيرن» بطولة ريهام حجاج، توفيق عبد الحميد، عبير صبرى، كريم قاسم، محمود حجازي، أيمن القيسونى، صفاء الطوخى، محمود حجازى، نانسي صلاح، نورهان، عبير منير، وهلا السعيد وعدد آخر من الفنانين، والعمل تأليف أيمن سلامة، من إنتاج جمال العدل، وإخراج سامح عبد العزيز.


الكلمات المتعلقة‎


مواضيع ممكن تعجبك