تستمع الآن

كريم قاسم: ضحكت على «ميمز» إصابتي في «يوتيرن»

الأحد - ٢٤ أبريل ٢٠٢٢

عبّر الفنان كريم قاسم بطل مسسلسل «يوتيرن» عن سعادته بالصور الكوميدية Memes التي يتم تداولها حول إصابته خلال أحداث المسلسل الرمضاني.

وقال كريم في لقاء لـ«ET بالعربي»: «انبسطت جدًا وضحكوني جدًا وشايف الناس عندها حق جدًا».

وأضاف: «في الآخر أنا مش مخرج ومش ميكب أرتيست ومش مسئول عن الأقسام دي، والله قالولي البس ده هلبس ده، قول ده هقول ده، حط البلاستر ده هحط البلاستر ده، طبعًا أكيد ممكن أعترض أو أتكلم بس في الآخر إحنا في منظومة يعني».

وتابع كريم قاسم: «إحنا قعدنا نضحك عليها ونشيرها سوا ونتريق على نفسنا يعني، والله يكون في عون الشخص اللي ممكن يتأذي في حاجة زي كده فيه حد ممكن في قسم ما يطير، الله يكون في عونهم بقى».

وعن قرار اعتزال الفنان القدير توفيق عبد الحميد الذي أعلن أنه سيكون بمجرد انتهاء المسلسل، قال كريم: «قرار لازم كلنا نحترمه في الآخر كل واحد عارف قدره وإمكانياته الجسدية وأنا مبسوط إني اشتغلت معاه».

مسلسل «يوتيرن» من بطولة ريهام حجاج، وتوفيق عبدالحميد، وعبير صبري، وكريم قاسم، ومحمود حجازي، وأيمن القيسوني، وصفاء الطوخي، وناني صلاح، وعبير منير، ومحمود حجازى، ونورهان، وهلا السعيد، وغيرهم، تأليف أيمن سلامة، وإخراج سامح عبد العزيز.


الكلمات المتعلقة‎


مواضيع ممكن تعجبك