تستمع الآن

عمرو يوسف: هذه تفاصيل أزمة «الملك أحمس» ولم أُبعد زوجتي عن التمثيل

الأحد - ١٠ أبريل ٢٠٢٢

تحدث الفنان عمرو يوسف عن غياب زوجته الفنانة كندة علوش عن الساحة الفنية بعد زواجهما وإنجاب ابنتهما «حياة».

وقال في لقائه في برنامج «حبر سري» على شاشة «القاهرة والناس» إن الإنجاب أثر على مسيرة كندة الفنية مؤكدًا أنه لم يتدخل في قراراتها.

وأوضح: «هي اختارت أنها تقعد وتربي حياة بنتنا وماليش دور في قرار كندة وما تقدرش تجبر حد على حاجة وهي اختارت تقعد جنب بنتنا حياة ونزلت تشتغل الفترة الأخيرة وعملت مسلسل ستات بيت المعادي ونجح».

وأضاف أنه لا ينتبه هو ولا زوجته للشائعات التي تطالهم عبر مواقع التواصل الاجتماعي، مشيرًا إلى: «أول مرة اسمع شائعة انفصالي عن كندة ولو هنمشي ورا السوشيال ميديا مش هنخلص وأنا بعيد عن السوشيال ميديا وطبيعتي مش كده ولو ركزت في السوشيال هنسى شغلي».

كما تطرق لأزمة مسلسله «الملك أحمس» في موسم رمضان الماضي، وقال: «الكلام كتر والتجويد كان زيادة عن اللزوم وفي وقت المشاكل الكلام بيتحول الموضوع للعبة لوم يعني أنا كممثل ألوم المخرج والمخرج يلوم شركة الإنتاج والشركة تلوم المخرج، في حين إن محدش عمل خطأ بقصد إن الدليل على كده إن نفس شركة الإنتاج تعاقدت مع نفس المخرج في مسلسل «جزيرة غمام» وتعاقدت معايا في عمل تاني».

وتابع: «موضوع ما رضيتش أحلق دقني ده بيدي إيحاء خاطيء عني وفهمي للشغلانة وأنا راجل محترف وتتلمذت على يد واحد من قمة المحترفين وهو نور الشريف، وعلى فكرة هي الشخصية من غير دقن في الحلقة الأخيرة، ودراميًا إحنا واخدين القصة من رواية (كفاح طيبة) للراحل نجيب محفوظ وهي رواية فيها خيال المؤلف، وأضفنا عليها خيال فريق الكتابة».

وأردف: «في النهاية أنا بقدم المنتج ده للمشاهد لو فيه عدد منهم اعترض فالشركة شافت إن هي توقف عرضه، وإحنا بنقدم رواية مش بنأرخ للملك أحمس».

وعن حالته وقت وقف المسلسل: «أكتر من 80 نجم من نجوم مصر دعموني وأنا كنت نفسيا متضايق بعد مجهود كبير وأحبطت جدًا وحسيت إن مجهود كبير راح في الهوا وكنت تعبان نفسيا، وأنا مش ضعيف وبحب المحاربة، لكن في المسلسل ده بذلنا مجهود كبير وكنا حاسين إننا عاملين حاجة ضخمة ومهمة ولما اتوقفت كان عندي إحباط كبير جدًا».


الكلمات المتعلقة‎


مواضيع ممكن تعجبك