تستمع الآن

صابرين ترد على الانتقادات الموجهة لها بسبب مقدمة «رامز موفي ستار»

الأحد - ١٠ أبريل ٢٠٢٢

ردت الفنانة صابرين على الجدل الذي وجه لها بسبب مقدمة حلقتها في «رامز موفي ستار» ووصف رامز جلال لها.

وقالت صابرين في حلقتها مع بسمة وهبة في برنامج «العرافة»: «حصل نسبة مشاهدة كبيرة وعملنا بهجة مع الناس، والناس بتحب تشوفنا، وليه دايمًا رابطين كل حاجة بالفلوس».

وتابعت: «يعني إيه قبلت كل التجاوزات من أجل الفلوس؟ إحنا ما بنسمعش حاجة على فكرة، أنا قعدت فترة قلت له ما تذيعش وإيه اللي بتعمله ده، أنا شاركت في (رامز قلب الأسد)، والأسود كانت بتاعة بنت خالتي فاتن الحلو، وكل سنة كان بيبعتلي كنت بفقسها وبعرف، لكن المرة دي اتاخدت خوانة بجد، أنا اتقال لي فان دام، فإن أنا أعمل حاجة عالمية مع فان دام كنت مبسوطة جدًا».

وأكدت: «مفيش تجاوز لأ طبعًا، والحاجات اللي قالها حقيقية، وفي الآخر قال كوكب شرق التمثيل وأم كلثوم التمثيل صابرين، هو ما قالش حاجة تدين صابرين عالأقل قدام ولادي، هو اتكلم عني أنا لا جوزي ولا ولادي وبالعكس ضحكنا واتبسطنا، وأنا وافقت أذيع لأني مش عاملة دور مهم في الدراما هيتأثر بالمقلب».

وعلقت صابرين على تصريحاتها السابقة عن أزمة حجاب حلا شيحة قائلة: «أكتر حاجة مضايقاني إنها مريبة وخصوصا بعد أزمتها مع والدها وعلقت قبل كده على حديثها بسبب أزمتها مع والدها ولما اتكلمت وقتها مع لميس الحديدي كنت متضايقة بسبب خلافاتها مع والدها» مؤكدة أن الحجاب ليس الشئ الوحيد الذي يستر المرأة وأن الشرف في كل الأخلاقيات وليس الحجاب فقط.


الكلمات المتعلقة‎


مواضيع ممكن تعجبك