تستمع الآن

ميرهان حسين: «اترددت أنزل صورتي أمام الكعبة بسبب الناس السطحية»

الثلاثاء - ١٥ مارس ٢٠٢٢

قالت الفنانة ميرهان حسين إنها ترددت قبل نشر صورتها امام الكعبة المشرفة خلال أدائها مناسك العمرة مؤخرًا بسبب ما وصفتهم بـ«الناس السطحية».

ونشرت ميرهان الصورة عبر «إنستجرام» وكتبت: «مع ان الصورة دي من احب صوري لقلبي .. اترددت انزلها.. أولًا خفت ان دا يأثر على ثواب حاجة بيني وبين رب العالمين ثانيًا عارفة ان في ناس سطحية كتييير هايكتبوا كومنتات كلها ايه يا طاهرة ايه يا ست الشيخة و يعملوا فيها انهم مابيغلطوش ابدا و جايين يحكموا على ناس زيهم احكام هبلة و خلاص و هما مايعرفوش اللي بينك و بين ربنا ولا عمرهم هايعرفوه».

وتابعت: «بس قولت لأ مش هامشي ورا الفكر دا و هانزل صورتي اللي بحبها عشان فيها ذكرى وجودي في اطهر بقاع الأرض و انا ضيفة في بيت الله الحرام و بحتفل فيها بنعمة من اكبر النعم هي نعمة إن ليا رب عظيم اسمه الكريم اللي ممكن اطلب منه اي شئ ومفيش حاجة كبيرة عليه إنما أمره إذا اراد شيئا ان يقول له كن فايكون.. نعمة وجود ربنا فحياتنا اكبر من كل النعم انا حقيقي معرفش ازاي في ناس بتلحد و تنكر وجود ربنا و العياذ بالله وفي منهم اصحاب ليا و ناس بقابلهم و مع حبي ليهم بس بقولهم فايتكو اعظم حاجة في الوجود ان يبقا ليك رب قادر على تحقيق كل اللي يتمناه قلبك و يسرح فيه خيالك رب اكبر من كل كبير هو الأمان في الدنيا دي و كل من عليها فان».

جاء هذا بعدما نشرت زميلتها مايان السيد مقطع فيديو مجمع لزيارتها لبيت الحرام وأدائها العمرة، حيث بكت خلال الفيديو واستحضرت أجواء السلام والراحة النفسية داخل البيت الحرام.

وكانت آخر أعمال ميرهان هي مسلسل «أنا وهي» بطولة: أحمد حاتم، هنا الزاهد، أشرف عبد الباقي، محمود البزاوي، وسلمان عيد، من تأليف مصطفى حمدي، وإخراج سامح عبد العزيز.


الكلمات المتعلقة‎


مواضيع ممكن تعجبك