تستمع الآن

رامي صبري لـ«أجمد 7»: «الأغاني الكلاسيكية مكمّلة وظهور المهرجانات والراب أمر صحي»

الخميس - ١٠ مارس ٢٠٢٢

استضافت جيهان عبد الله في حلقة اليوم من «أجمد 7» على «نجوم إف.إم»، الفنان والمطرب رامي صبري، في حلقة خاصة للحديث عن آخر مشاريعه وأبرز علامات مشواره الفني.

وقال رامي إنه طرح مؤخرًأ فيديو كليب أغنية «مع نفسي»، وهي آخر أغنياته المصورة بعد الكليب السابق «بقابل ناس» مع شركة «نجوم ريكوردز».

وأوضح أنه مُقلّ في تصوير الكليبات لعده أسباب: «موضوع التصوير بس بشوفه متعب رغم إنه مهم، بس الناس ما بتعرفش أد إيه بنتعب والموضوع بيبقى مرهق، فالموضوع كسل شوية مني في قلة الفيديو كليبات، علشان كده أنا ما بممثلش بسبب كل ده، وعمومًا مش كل الأغاني كمان ينفع تتصور».

وتابع: «الأغنية اتصورة بالصدفة جدًا، كنت بخطط أنزلها في عيد الحب، والفالنتاين مش لازم يكون اتنين بيحبوا بعض ممكن أغنية عن ناس كانوا بيحبوا بعض وانفصلوا ومحتاجين أغنية تفكرهم بعلاقتهم دي، وما ينفعش كل الأغاني تبقى حب بس، ممكن كمان حاجات تفكر الشخص بحبيبته فممكن يرجع لها»، مشيرًأ إلى أن أغنية «مع نفسي» تعد كجزء ثاني من أغنيته السابق «حياتي مش تمام»، وأنها ليست أغنية للحبيب فقط لأنه مثلًا تذكر بها أخيه الراحل «كريم».

رامي صبري

وأكد رامي صبري أنه يحب نوعية الأغاني الدرامية: «كل واحد فينا كفنانين بيتميز بحاجة، وأنا الحتة الدرامية والذكريات والماضي دي بتاعتي، وأنا بحب إني أعمل أغنية تلمسك وتخلي الدموع تنزل بسرعة، وده اللي بشتغل عليه بجد، وأنا لما بعيط في أغنية بغنيها».

كما تحدث عن أغنية «حالة اكتئاب» التي طرحها بعد وفاة شقيقه بمشاركته: «كريم سمعهالي من سنتين، وهو  بيغني كويس جدًا، فقلت له طب ما تيجي نغنيها أنا وأنت، فكان يقول لي أنا عاوز أطلع لوحدي مش عاوزك تساعدني، وغناها كـGuide قبل ما يموت بـ6 شهور تقريبًا».

ومنها تطرق لقصة وفاة شقيقه كريم، موضحًا أنا لا يحب كثيرًا التحدث فيها لكنه قال: «هو اتعود على حاجات غلط زي مهدئات وكده وكنا بنحاول نعالجه منها لأنه كان عصبي جدًا، فبقت عادة فسببت له مشاكل، فقررنا نساعده ونعالجه في مستشفى محترمة، وهو كان رافض جدًا، وما قعدش فيها ساعات وهو ماشي حصلت له الحادثة وتوفى».

رامي صبري

وأبدى رامي صبري رأيه في نوعية أغاني المهرجانات والراب التي تتصدر الساحة حاليًا، قائلًا: «التاريخ بيقول إن كل فترة ناس بيطلعوا يقدموا نوعية مزيكا مختلفة عن السوق والناس بتقبل عليها وبتختفي، لكن خط الأغاني الكلاسيكية العادية بتفضل مكملة، ما ينفعش النوعية دي تأثر عليا ولا أنا بأثر عليها هو سوق، وفيه كذا نوع بتختار منه اللي يناسبك، وأنا شايفه صحي التنوع ده، وأنا بسمع كل الأنواع ومفيش أغنية بتنزل ما بسمعهاش، لكن ما أقدرش أقدم النوعية دي من المزيكا».

وعن مقياس مشاهدات «يوتيوب» في نجاح الأغنية، قال: «الأساسي إني أسمع أغنيتي في الشوارع وفي كل مكان، مش إنها تحقق 60 70 مليون عاليوتيوب، لأن الموضوع في اليوتيوب بقى بيزنيس شوية، وحلو إني أشوف أرقام كبيرة لأغنيتي لكن النجاح الحقيقي على أرض الواقع، واليوتيوب شوية بقى مزعج لأن لما تيجي تلاقي أغنية مهرجان رقم واحد وأغنية لنجم كبير في المركز الرابع مثلًا ده مش صح».

وكشف رامي أنه يحضر حاليًا لطرح أغنية جديد بعنوان «هي» من ألحانه وكلمات نادر عبد الله وتوزيع جلال حمداوي ومن المقرر أن تصدر بعد عيد الفطر موضحًا: «هي سريعة وستايل جديد شبيه بالهاوس وجديدة وماحدش عملها ولا أنا كمان».


الكلمات المتعلقة‎


مواضيع ممكن تعجبك