تستمع الآن

إلهام شاهين عن إعلان آثار الحكيم اعتزالها: «لو مش محترم المهنة ما تدخلهاش»

الإثنين - ٢٨ فبراير ٢٠٢٢

أبدت الفنانة إلهام شاهين رأيها في إعلان قرار الاعتزال من الفن من قبل الفنانين، تعليقًا على ما تم نقله على لسان آثار الحكيم بأنها اعتزلت التمثيل تفرغًا للعبادة.

وقالت إلهام في برنامج «حبر سري» على «القاهرة والناس»: «هي معتزلة من أكتر من 20 سنة ومن زمان أوي ما شوفتلهاش عمل، وهي السنين اللي فاتت كانت متفرغة برده تصلي وتصوم وتعمل كل اللي هي عاوزاه، اللي عاوز ينسحب ينسحب في هدوء وبدون إعلان وفيه فنانين كتير عملوا كده، بيختفوا وبيرفضوا الأعمال لغاية ما يتعرف إنهم مش عاوزين يشتغلوا».

وأكدت: «من غير ما نتكلم الفن صح ولا غلط ولا حلال ولا حرام، أنت دخلته ليه لو أنت مش محترم المهنة دي ما تدخلهاش من الأساس».

وكانت الفنانة آثار الحكيم قالت في تصريحات تلفزيونية أنها اعتزلت الفنا وتفرغت للعبادة، مؤكدة أنها حققت نجاحا كبيرًا وشهرة كبيرة من خلال عملها في مجال الفن، و«شبعت نجومية» وأن ابتعادها ليس لأسباب فنية.

وكانت سبقتها بتصريح قالت فيه: «ربنا يثبتنا جميعا. اعتزلت منذ 10 سنوات ولا أظهر إلا قليلا في مداخلات هاتفية».

وكان آخر أعمال الفنانة هو مسلسل «الوتر المشدود» عام 2009 مع معالي زايد وكمال أبو رية وسامح الصريطي وأحمد خليل وخيرية أحمد.


الكلمات المتعلقة‎


مواضيع ممكن تعجبك