أوضحت الفنانة نيللي كريم ماذا كان سيصبح موقفها إذا لم يوافق أبناؤها على زيجتها الأخيرة من هشام عاشور.
وجاوبت نيللي على سؤال ماذا لو رفض أبناؤها زيجتها الأخيرة التي سألته الفنانة ميا دياب ضمن حلقة برنامج «بصراحة مع» على MBC، وأوضحت نيللي: «أنا عمري ما باخد رأي حد من وأنا صغيرة، أنا فاكرة في جوازتي الأولانية اتجوزت من ورا أهلي فماخدتش رأي حد، فمتعودة ما دام قررت فهعمل».
وأضافت: «ولادي أنا عارفة إنهم بيحترموا قراراتي ولو فيه نقاشات بيبقوا عارفين إن محدش هيأثر عليا، وأنا مش بجبر حد منهم على رأي بحب كل واحد ياخد رأيه بنفسه وحتى لو غلط يتحمل نتيجة قراره، وأنا بقول رأيي ومش بصر إنه صح».
وخلال الحلقة كشفت أن والدتها كانت تريد تسميتها باسم آخر وهو «ناتاشا» روسي الأصل، لكن والدها رفض لأن نطقه بالعربي سيكون قريب من كلمة «نتّاشة».
كما استعادت تجربة فقدانها لوالدها، قائلة: «ساعتها ما كنتش فاهمة مدى المصيبة والحدث، لأني كنت صغيرة وكان عندي 16 سنة وماما وأخويا كانوا مخبيين عليا خلال تعب بابا، وماما عملت كل حاجة ممكنة علشان ما اتأثرش أوي، وأنا ماشوفتهاش ولا مرة بتعيط إلا مرة واحدة بعديها لوحدها، وكل ما بقيت أكبر بقيت بحس بفقدانه أكتر بقيت بقول لو بابا كان عايش ما كانش ده حصل لي وهكذا».
مواضيع ممكن تعجبك
