تستمع الآن

عمرو وهبة يكشف كواليس وموعد عرض الجزء الثاني من «في بيتنا روبوت»

الخميس - ٢٧ يناير ٢٠٢٢

تحدث الفنان عمرو وهبة عن كواليس تصوير الجزء الثاني من مسلسل «في بيتنا روبوت» الذي حقق نجاحًا كبيرًا في جزئه الأول.

وأوضح في مداخلة هاتفية لبرنامج «كلاكيت» مع لينة الطهطاوي على «نجوم إف.إم»: «السنة دي شغالين بضغط نفسي أقل وبنحاول نلاقي مواقف وضحك أكتر، والسنة دي القلق عندي أقل شوية لأن الناس تقبلت الموضوع السنة اللي فاتت بالعكس القلق السنة اللي فاتت أكتر لأننا مش عارفين الناس هتتقبله ولا لأ ولا هتضحك ولا لأ، لكن الصعوبة السنة دي هو هل الناس هتشوف إننا هنفضل على نفس المستوى ولا قلينا».

وعن صعوبات شخصية الروبوت لذيذ، قال: «مشكلتها إن مفيش مرجعية للشخصية أو حاجة نتدرب عليها، فكنا بنجرب قدام بعض وهم بيقولولي خد بالك من ده ودي وده شكله بني آدم مش روبوت، لحد ما وصلنا للشكل اللي هنشتغل بيه».

وعبر عن سعادته بالتأثير الذي حققته الشخصية في الشارع: «السوشيال ميديا عندي تحولت لأولاد وأطفال صغيرين بيبعتولي مشاهد للذيذ وزومبا وفيديوهات تيك توك والحمد لله الحاجات اللي عملتها حاجة وتأثير لذيذ حاجة تانية، وأنا بحب لذيذ لأنه شخصية طيب وعبيط وبيحب صاحبه جدًا، وإن الأهالي بيقولولنا إن الأطفال اتعلموا منكم حاجات كويسة».

وعن كواليس الجزء الثاني، أوضح عمرو وهبة: «هيكون حاجة تانية خالص، ومعانا شباب كوميديانات جديدة، وفيه أدوار كتير زيادة وناس شاطرة شطارة فظيعة، المسلسل هينزل قبل رمضان إن شاء الله أكيد في خلال الشهر الجاي إن شاء الله».


الكلمات المتعلقة‎


مواضيع ممكن تعجبك