تستمع الآن

تامر حسني يكشف عن أكثر مشهد حلم به منذ الطفولة.. وتحقق| فيديو

الأحد - ٠٩ يناير ٢٠٢٢

تحدث الفنان تامر حسني عن أحد المشاهد التي كان يحلم بها منذ الطفولة، مشيرا إلى أن هذا المشهد الذي حلم به كان من الصعب تحقيقه خلال ممارسته لرياضة كرة القدم في الأندية الكبرى لعدة أسباب.

وأوضح تامر حسني عبر صفحته على موقع “فيسبوك”، أنه كان يحلم بالشهرة من الصغر حيث كان يتساءل هل من الممكن أن يلقى شهرة كبيرة؟، واستعان بمشهد فيديو له خلال وجود عدد ضخم من معجبيه حوله.

وقال: “المشهد دا كان اكتر مشهد بحلم بيه من وانا صغير تقريباً كنت بشوفه كل شهر بأشكال مختلفه وكنت بسأل نفسي طب يارب انا هتشهر بالشكل دا والناس هتحبني كدا في أي مجال؟، عشان ساعتها كنت بلعب كوره بس كان عندي اصابات كتير بدري على سني ومشاكل مع بعض المدربين اللي مقتنع بيا واللي مش مقتنع بيا فا بيخليني احتياطي موسم كامل”.

تامر حسني
تامر حسني مع ابنته

وأكمل تامر حسني: “دا شيء محبط لإني كنت مصنف لاعب مهاري كويس، والموضوع دا اتكرر معايا في الزمالك والأهلي والإتنين استغنوا عن خدماتي.. يعني زي ما تقولوا كدا في ظروف كانت بتتجمع عشان افهم ان الكورة مش مستقبلي رغم تعلقي بيها الجنوني”.

وأضاف: “بس اتاري ربنا كان كاتبلي مستقبل تاني وأفضل ليا.. بس عرفت دا لما دورت جوه نفسي بجد بمساعدة او معجب ليا اول fan في حياتي والوحيد اللي كان مصدقني و هي امي يعني مهم اوي انك تدور جوه نفسك عشان لازم هتلاقي ربنا مخلقكش فاضي واتمنى من الأهل انهم يركزوا مع ولادهم في اصغر سن ليهم و يفضلوا دايماً يكلموهم عن الحلم و الطموح و النجاح”.

وأكمل: “بكتب الكلام دا وواثق مليون في الميه ان فيكم حد محتاج يسمعه وكان مستنية الإشارة جت أهي مالكش أو ملكيش حجة”.


الكلمات المتعلقة‎


مواضيع ممكن تعجبك