تستمع الآن

«نجوم إف.إم» تحتفل مع أبطال فيلم «الكاهن» بعرضه الخاص.. صور وفيديو

الأربعاء - ٢٩ ديسمبر ٢٠٢١

احتفلت «نجوم إف.إم» بالعرض الخاص لفيلم «الكاهن» بصحبة نجومه وأبطاله، ليلة أمس الثلاثاء، حيث أجرت الإعلامية إنجي علي لقاءات على هامش العرض مع أبطال العمل تكشف ملامح من كواليسه.

وقال الفنان القدير حسين فهمي لـ«نجوم إف.إم»: «الورق كويس جدًا والراواية مهمة والشخصيات حية وحقيقية وأنا بستمتع بالعمل مع المخرج عثمان أبو لبن، والفيلم بيتكلم عن الناس اللي بتحكم العالم دلوقت في جميع المجالات».

وأكد الفنان الكبير جمال سليمان «التنوع مهم في السينما خاصة مع تنوع الجمهور في ثقافاتهم والفئة العمرية، حتى نفس الشخص بيحب التنوع، والفيلم أتمنى يكون خيار كويس للتنوع» مضيفًا «الموضوع وطريقة معالجته هو اللي شدني، وده قليل في كتاب الدراما، وأحمد نايل كاتب ورق رائع وأخد وقته في التحضير والكتابة، وأنا اتعرض عليا حاجات ما حبتهاش في السينما وده سبب غيابي، وأنا من الفنانين اللي بشوف أنا هعمل إيه في السينما مش مجرد أعمل وخلاص».

 

View this post on Instagram

 

A post shared by NogoumFM (@nogoumfm)

وأوضح أن العمل «بيتكلم على الجانب الغامض من حياتنا والوجه الحقيقي لهذا العالم، لأننا بنتعامل مع كتير من الأحداث من غير ما نعرف إيه اللي وراها ومين اللي خطط ليها ومين اللي بيحدد طريقة حياتنا».

وقالت الفنانة درة لـ«نجوم إف.إم»: «استمتعت جدا، وأبطال العمل مش أي ناس كل حد فيهم تاريخ ونجوم شاطرين جدًا، والفيلم نفسه نوعيته وطريقته جديدة وإنه يكون معتمد على الأكشن مع كمان مشاعر جديدة ده حاجة مختلفة، والاختلاف في دوري هنا إنه معتمد على درة الممثلة فقط ولا على شكل ولا لبس فقط الحالة والموضوع اللي مقدمينه، وأنا كنت فاهمة متطلبات الفيلم».

الفنان إياد نصار أيضًا قال: «بقى فيه تطور في السينما وده اللي خلانا كممثلين كنا مركزين شوية مع الدراما رجعنا تاني للسينما، وخاصة مع ممثلين خبرة حقيقية وهم بيتعاملوا مع الشخصية وحتى في اللوكيشن كمان، والممثل المحظوظ هو اللي بيكون وسط الكوكبة دي».

وتابع في تصريحاته لـ«نجوم إف.إم»: «لأول مرة بشوف فيلم عربي بيتكلم عن نظرية المؤامرة وده ما اتعملش لحد دلوقت، وهو مش وثائقي ولا بيحقق ورا الفكرة على أد ما بيطرح النوع ده من السينما وبالمنطق اللي يخليك تصدقه، والفيلم بيخليك تفكر إزاي اتحولنا لسلعة وإزاي بيتم تسليعنا في ظل الحياة الرقمية».

فيلم «الكاهن» من بطولة: حسين فهمي، محمود حميدة، جمال سليمان، درة، إياد نصار، وفتحي عبد الوهاب، وأحمد حاتم، ومن ﺗﺄﻟﻴﻒ: محمد ناير، و«نجوم إف إم» الشريك الإذاعي الرسمي للفيلم.



مواضيع ممكن تعجبك