تستمع الآن

نبيلة عبيد ترد على تقليد ميريهان حسين لها في «الراقصة والسياسي»

الإثنين - ٠٦ ديسمبر ٢٠٢١

عبرت الفنانة نبيلة عبيد عن دهشتها ومفاجأتها من تقليد الفنانة ميريهان حسين لها بشكل يكاد يكون طبق الأصل لدورها الشهير في فيلم «الراقصة والسياسي».

وشاركت نبيلة عبيد مقطع فيديو للفنانة ميريهان حسين وهي تؤدي فيه رقصة من فيلم «الراقصة والسياسي» ببدلة رقص وماكياج شبيه لبطلة العمل، وعلقت «أول ما تفرجت على الفيديو اندهشت و قولت لنفسي ده أنا بس مش فاكرة إن المشهد ده كان في الفيلم ولا أنا صورته.. وبعدين لما عرفت صاحبة الفيديو فعلا قولت يا جمالك و جمال شطارتك…الممثلة الموهوبة الجميلة ميرهان حسين.. بس اللي مجنني أنتي جبتي بدلة الرقص ديه منين يا عفريته.. أنا سعيده أنك بتعرفي تقلديني و كل اللي بيحبوني دايما بيقلدوني خاصة في الفيلم ده.. بحبك و بحبكم كلكم».

وردت ميريهان على تعليق نجمة مصر الأولى، قائلة: «ياجمالك انتي يا جميلة الجميلات يا حبيبة الكل يا أحلى بلبلة في الدنيا دا شرف كبيييير جدًا ليا كلامك دا فرحني بجد من قلبي أشكرك يا نجمة مصر الأولى و إشادتك بتقليدي ليكي شهادة عظيمة اعتز بيها.. و بدلة الرقص دي عملهالي مصمم الأزياء الشاطر احمد عبدالله مخصوص عشان اعمل المشهد دا».

وكانت ميريهان حسين نشرت مقطع الفيديو عبر «إنستجرام» وقالت «شوفوا الڤيديو الكامل لتقليدي لنجمة مصر الأولى العظيمة نبيلة عبيد على قناتي على يوتيوب».


الكلمات المتعلقة‎


مواضيع ممكن تعجبك