تستمع الآن

دينا: «قالولي أمك ميتة واكتشفت بالصدفة إنها عايشة»

الأحد - ٢٦ ديسمبر ٢٠٢١

تحدثت الفنانة دينا عن تفاصيل لقائها بوالدتها بعد سنوات طويلة اعتقدت فيها أنها ليست على قيد الحياة حسبما أخبرها أهلها بعد انفصال والدها عن والدتها وهي طفلة.

وقالت في لقائها مع الإعلامي عمرو الليثي في برنامج «واحد من الناس»: «كان جدي بيقول مامتكم ماتت ففضلنا عايشين على إن ماما ماتت، وفي إعدادي كان بابا بيتخانق معايا فقال إن ماما موجودة، فبدأت أدور وراها علشان ما كانتش عايشة في مصر»، مضيفة «من 5 سنين لحد إعدادي وأنا فاكرة إن ماما ماتت وربتني مرات بابا».

وتابعت: «أنا كنت عايشة في العجوزة وكنت عارفة بين جدي والد مامتي في وسط البلد، فوصلت لبيتها عن طريق أختي الأكبر مني علشان أنا كنت صغيرة، وهي اللي خدتني وديتني البيت، روحنا خبطنا على الباب وماما كانت هنا في مصر في إجازة، ولما شوفتها ما كنتش متذكرة شكلها أوي، فشافتنا وعيطت وأنا عيطت أنا كمان».

وأكدت أن والدتها كانت تحاول التواصل معهم طوال سنوات الغياب لكن أهل والدها كانوا يمنعوها من ذلك بسبب الخلافات بينهم «قالت لي كانت بتحاول تتواصل معانا بس كانوا بيمنعوها وكانت بتسيب لنا شوكولاتة على باب الشقة».

وقالت دينا: «ما أقدرش ألوم بابا لأن محدش يقدر يعيش مع حد غصب عنه، فكان لازم يديها حريتها ويمشي طالما مش قادرين يعيشوا مع بعض».


الكلمات المتعلقة‎


مواضيع ممكن تعجبك