تستمع الآن

دنيا سمير غانم تعلق على ظهورها أمام الرئيس.. وزوجها يغازلها

الإثنين - ٠٦ ديسمبر ٢٠٢١

فاجأت الفنانة دنيا سمير غانم الجمهور بالظهور في احتفالية «قادرون باختلاف» لذوي القدرات الخاصة والتي حضرها الرئيس عبد الفتاح السيسي أمس الأحد.

وغنت دنيا أغنية بالعربية الفصحى بعنوان «بلادي اسلمي» وأدت خلالها ترجمة بالإشارة لكلمات الأغنية للصم والبكم.

وعلقت دنيا سمير غانم على مشاركتها عبر «إنستجرام» حيث كتبت: «أحب أشكر الجمهور العظيم اللي دايما بيشجعني وشفت في عنيهم وفي ردود أفعالهم فرحتهم بوجودي في الحدث الهادف مع الملائكة اللي كانوا سبب في ثقتي بنفسي النهارده بإحساسهم الصادق في تعبيرهم عن حبهم ليا الحمد لله وفرحتهم باليوم ده وان فى حد مهتم بيهم وبيفكر فيهم وفى احتياجاتهم».

دنيا سمير غانم

وتابعت: «وبشكر كل الزملاء والأساتذة اللي اتشرفت إني كنت موجودة معاهم في نفس الحفلة و علي رأسهم الموسيقار الكبير عمر خيرت وأستاذ أشرف عبد الباقي سعيدة جدا إني ابتديت يومي بتشجيعهم وحرصهم انهم يطمأنوا عليا قبل ما أطلع و كمان زملائي الأعزاء مصطفي شعبان ويوسف الشريف والمذيعين شريف مدكور وإيمان الحصري اللي مروا بظروف صعبة وعدوها بكل قوه وثبات بفضل ربنا ورحمته و كنت مبسوطة بيهم و حسيت بأد إيه أغلب الموجودين مننا كان عندهم تحديات في حياتهم زي الملائكة اللي استمددنا قوتنا منهم انهارده ومن أهلهم الأبطال».

واختتمت: «وفي النهاية حبايبي الغاليين بابي ومامي تأثرت جدا النهارده أنى لأول مرة أروح في يوم مهم ليا من غير ما أسمعك يا مامي بتدعيلي أو ترقيني قبل ما أنزل أو بابي بيقول لي ربنا معاكي يا حبيب بابي، يا رب أكون شرفتكم، بحبكم و وحشتوني أوي، ربنا يرحمكم يا أغلي حاجة في حياتي».

كما غازلها زوجها الإعلامي رامي رضوان، حيث نشر مقطعًا من الأغنية عبر تويتر وكتب: «ما شاء الله حبيبتي ملاك وسط ملايكة كلكم بتطلعوا نور الله أكبر، ربنا يحفظك ويحميكي ويوفقك، ويحفظهم ويحميهم ويوفقهم يا رب».


الكلمات المتعلقة‎


مواضيع ممكن تعجبك