تستمع الآن

بعد تجاهلها له في آخر لقاء.. هل ما زالت الخلافات بين ياسمين عبد العزيز وشقيقها

الخميس - ١٦ ديسمبر ٢٠٢١

على الرغم من عدم ذكرها لاسمه ضمن من ساندوها في أزمتها الصحية، إلا أن وائل عبد العزيز شقيق الفنانة ياسمين عبد العزيز أكد أنه لا توجد أية خلافات حالية بينه وبينها أو مع زوجها الفنان أحمد العوضي.

وقال وائل في تصريحات لـ«ET بالعربي»: «أنا مش فارق معايا الكلام دا ولا في دماغي وأنا بتمنى لها السعادة.. أهم حاجة تبقى سعيدة ومبسوطة، والكلام دا من زمان بيحصل وإحنا بنتهاجم من زمان وبيطلعوا علينا إشاعات من زمان».

وهنّأ وائل زوج شقيقته أحمد العوضي بعيد ميلاده قائلًأ: «كل سنة وهو طيب ويارب أشوفه نجم مكسر الدنيا»، وموجهًا رسالة لشقيقته «بحبك».

وكان وائل أشار لاستيائه من تجاهل شقيقته له في أول لقاء تلفزيوني لها بعد أزمتها الصحية وعدم ذكرها لدعمه ومساندته لها خلال تلك الفترة، حيث نشر صورة له من المستشفى حيث كانت تمكث ياسمين وكتب: «قاعد في المستشفى شهر كامل، مش مهم.. أنا اصلا مش مهم، المهم إن انتي قمتي بالسلامة واتطمنت عليكي» قبل أن يحذفها بعدها.

أطلت الفنانة ياسمين عبدالعزيز في أول ظهور لها بعد أزمة مرضها مع الإعلامية منى الشاذلي، وأطلقت العديد من التصريحات حول أزمة مرضها ورحلة العلاج.

وقالت: “كنت داخلة أعمل عملية عند دكتور النسا اللي ولدني في بنتي فأنا عندي أكياس من وأنا عندي 16 سنة وهي منتشرة عند بنات كتير، عملت العملية دي حوالي 5 مرات وكنت بدخل أعمل العملية ومحدش يعرف حاجة عني وأعود لشغلي عادي فأنا تأقلمت على الأكياس والآلام بتاعتها بقت صاحبتي وأعيش وأتعايش معها”.

وأضافت: “بعدها بكام يوم قالولي لو معملتش العملية كمان ساعة هتموتي والقولون اتخرم وجالي تسمم في الدم وعملولي العملية والدكتور عصام شلباية أنقذ حياتي قالي انا داخل اعمل العملية والدنيا بايظة خالص وعارف أن الموضوع كان صعب جدا، بعد ما القولون بتاعي اتخرم وقالولي لو معملتيش العملية كمان ساعة هموت كنت حاسة إني مش هطلع من العملية وقولت لأخويا الكبير (خلي بالك من ياسمين وسيف) لأني فعلا حسيت إني داخلة مش طالعة”.

وكانت ياسمين عبد العزيز أعلنت في بداية شهر سبتمبر تعافيها ووجهت رسالة إلى جمهورها وأصدقائها قالت فيها: “جمهوري الغالي في مصر والوطن العربي وحشتوني جدا الحمد لله انا بقيت كويسه وتعافيت الحمد لله عاوزاكم تتطمنوا رغم كل الصعب اللي مريت بيه في أزمتي الاخيرة، إلا إن سؤالكم ودعمكم هو اللي كان بيهون عليا كل اللحظات المره اللي عدت عليا .. وكفايه اني اقولكم اني حقيقي شفت الموت وكان قريب جدا .. لكن بفضل الله وبفضل دعواتكم الجميله الصافيه وبفضل وقوفكم جنبي بقلبكم وبحبكم وبنيتكم الطيبه ربنا استجاب لدعواتكم وربنا كرمني وعديت المحنه علي خير الحمد لله”.


الكلمات المتعلقة‎


مواضيع ممكن تعجبك