تستمع الآن

أمينة خليل تتحدث عن خطبتيها السابقتين وكيف تخطت عقدة أنفها

الأربعاء - ٠٨ ديسمبر ٢٠٢١

كشفت الفنانة أمينة خليل عن بعض أسرار حياتها الشخصية خلال حوارها مع أنس بوخش في ABtalks.

وتحدثت أمينة عن كواليس خطبتيها اللتان لم يكتملتا بالزواج، وقال: «خطوبتين فشلوا ممكن يأثروا على أي بنت بس أنا تعمدت إني ما أشوفش ده كفشل وأشوفه كتجربة وأتعلم وإنه هرجع تاني نضارتي الوردية وهكررها تاني بس مش هتخطب هتجوز على طول لأن واضح إن الموضوع ده مش نافع معايا خالص»، مؤكدة أن خطيبيها السابقين «أشخاص رائعين وأحترمهم الاثنين وإحنا أصدقاء ولو كان هو الشرير في روايتي فأنا أكيد الشريرة برده في روايته».

وكشفت كذلك عن عقدتها التي أثرت عليها ووهي حجم وشكل أنفها، موضحة «كبرت ومناخيري كبيرة طول عمري وكانت مضايقاني زمان ولما دخلت السينما كانت بتتقال لي صراحة إن محتاجين نظبطها فبقيت عاوزة أخبيها طول الوقت، فقلت هعمل تجميل وحجزت بالفعل وقلت لمامتي وإني مش هستحمل تاني وهي مضايقاني وكانت جايبة لي عقدة نفسية».

وتابعت: «حجزت مع الجمهور وكنت مش متطمنة خالص، لحد قبل العملية بيومين وقعت من عالسلم وخبطت وشي فكان عندي كدمات في وشي، فقال لي مش هنعرف نعمل العملية قبل ما تخفي، فخدتها كعلامة من ربنا ومفيش عملية وإن لازم أشتغل على ثقتي في نفسي علشان أتقبل نفسي، وأواجه الناس، وبدأت أتريق على نفسي قبل ما حد يتريق عليا حتى عملت إعلان بتتريق فيه على مناخيري، ولحد دلقوت بيكلموني بنات عندهم نفس مشكلة المناخير زيي وإني بعد ما اتكلمت عالموضوع اقتنعوا وتقبلوا نفسهم».

وعن تأثيرها في عدد كبير من النساء والفتيات بتبنيها قضايا المرأة، أكدت: «كلمة مؤثر دي كلمة كبيرة لو الواحد فهمها صح، ولما مشيت في الطريق ده حسيت إن دي قوة أنا محتاجة أحترمها وأعملها صح، فيه بنات صغيرة عندما مشاكل وصراعات داخلية ومن الناس ومش عارفة تعمل إيه، فهي محتاجة حد يبقى بطل بالنسبة لها أو يلهمها، وأنا وصلت لحتنة إن بقى فيه بنات بتسمعني، لأنهم مش لازم يحسوا إنهم لوحدهم».


الكلمات المتعلقة‎


مواضيع ممكن تعجبك