تستمع الآن

أحمد سلطان عن دوره في «ريح المدام»: «نسيوني في تابوت وكنت هغرق في النيل»

الخميس - ١٦ ديسمبر ٢٠٢١

تحدث الفنان أحمد سلطان عن كواليس كوميدية وصعبة في نفس الوقت من دوره في مسلسل «ريح المدام» ضمن ضيوف شرف العمل.

وخلال لقائه في «عيش صباحك» على «نجوم إف.إم» تحدث عن دوره كمومياء في حلقات العمل، والذي لم يظهر فيه ملامح وجهه ورغم ذلك تحدى نفسه لتقديم الدور بحركة جسده وحديث الشخصية.

وقال أحمد سلطان: «محدش وافق ييجي ضيف شرف يبقى وشه مختفي، وأنا وافقت وده كان أول عمل ليا في رمضان، وقالولي إنه هيبقى موميا ومش باين من جسمه أي حاجة وكله ملفوف قماش، أنا عندي فوبيا أماكن مغلقة لكن ما قلتش في الأول فبان لما كل مرة يلبسوني الماسك كنت بدخل في نوبة خوف كأني محبوس في أسانسير لوحدي، وخصوصا إني ما كنتش بشوف بره الماسك ولا مين معايا في المشهد».

وتابع: «كان حد بييجي يشيلني من أوضتي ويحطني في مكاني في المشهد ويقول لي قول، وفي مرة عملت مشهد وخلصت وهم خلصوا ونسيوا يقولولي إنهم خلصوا وسابوني واقف وأنا مستني المشهد، وفي مشهد كان متصور على مركب وبمشي على لسان لحد الشط، وكنت مع فهمي وهو كان بيسند على كتفي كل شوية علشان أظبط اتجاه مشيتي، لحد في مرة سابني فكنت بحدف على المياه خلاص وهقع في النيل وأنا متكتف يعني خلاص مش هعرف أعوم وهموت، لكن فهمي لحقني في آخر لحظة وشدني من الشاش».

وحكى موقفًا صعبًا آخر، عندما كان يصور مشهدًا داخل تابوت كمومياء وتم تركه داخل التابوت رغم أنه يخاف الأماكن المغلقة.

مسلسل «ريح المدام» من بطولة أحمد فهمي، أكرم حسني، مي عمر،  ورجاء الجداوي. تأليف تامر إبراهيم، ولاء شريف، أسامة مقلد، صالح سعيد، وليد عبدالسلام، ومن إخراج: كريم العدل.


الكلمات المتعلقة‎


مواضيع ممكن تعجبك