تستمع الآن

هاني شاكر عن مغني المهرجانات: اللي عايز يتقدم للاختبارات يتفضل.. والغنا مش بالعافية»

الإثنين - ٢٢ نوفمبر ٢٠٢١

أوضح الفنان هاني شاكر مدى إمكانية تأسيس شعبة لمغني المهرجانات في نقابة المهن الموسيقية وتقنين أوضاعهم.

وقال في مداخلة لبرنامج «تحت الشمس» مع معتز عبد الفتاح في قناة «الشمس»: «الراب له شعبة في النقابة من زمان مش من دلوقتي خالص، ودلوقتي الولاد دول كتروا لأنه بقى موجة من الموجات الفنية اللي الشباب بيحبوها ومنتشرة، وأنا وزملائي في المجلس قررنا أن كل من ينجح في هذه الشعبة يمضي تعهد على الالتزام بكل ما يقوله أو يصوره، والمخالف يسحب منه التصريح».

وتابع: «بالنسبة للمهرجانات، المهرجانات مشكلتها إنها معتمدة على الإسفاف والخروج عن المألوف وعدم الالتزام بالقيم والعادات والتقاليد، هما مش بيقولوا غير الكلام اللي يلفت النظر، هما مش معاهم لا فرقة ولا مزيكا ولا أي حاجة إلا الإيقاع والكلام الملفت للنظر، وللأسف الكلام دايما بيبقى خارج».

وأكد: «للأسف معظم بتوع المهرجانات فعلا مش بيعرفوا يغنوا ولا يؤدوا حتى، دول ملهمش علاقة بالغناء، هو الغناء بالعافية؟ أنا عايز أبقى دكتور هبقى دكتور بالعافية؟ عايز أبقى رسام هبقى رسام بالعافية؟ أكيد لأ».

وشدد على تنسيق النقابة مع الجهات المسئولة في الدولة لتنفيذ قرار المنع، موضحًا: «التنسيق مع المصنفات الفنية على أكمل وجه، التنسيق مع القاعات العرض في كل مصر على أكمل وجه، وأه في تنسيق مع جهات أخرى أعلى بالدولة».

وأشار إلى: «الباب مفتوح مع مطربي المهرجانات اللي هيحاولوا يصلحوا من نفسهم ويقدموا حاجة جميلة ويكونوا صالحين أساسا يكونوا مطربين.. حمو بيكا إحنا اديناله مدرس على حساب النقابة كان بيعلمه، وإحنا لا نتقاعس مع أحد، لكن في ناس ربنا لم يمنحهم الموهبة، والموهبة مش بالعافية».

ولفت إلى: «اللي يقف على المسرح لازم يكون عضو نقابي ويزاول المهنة، مش أي حد يقول أي حاجة، والنقابة هتفضل دايما تقف مع أعضائها، وبالنسبة للناس اللي مش أعضاء بنقول للي عايز يتقدم للاختبارات يتفضل، والحمد لله إن ربنا جعلني سبب لفرحة الناس وتنقية الأجواء الغنائية في مصر».


الكلمات المتعلقة‎


مواضيع ممكن تعجبك