تستمع الآن

ماجد المصري: لهذا أرفض دخول أي شخص من أسرتي لعالم التمثيل

الثلاثاء - ١٦ نوفمبر ٢٠٢١

قال الفنان ماجد المصري إنه يرفض دخول أي فرد من أسرته لعالم التمثيل سواء ابنته أو زوجته.

وفسر «المصري» تصريحاته تلك في برنامج «بصراحة مع» على شاشة mbc والذي شاركته فيه الفنانة سمية الخشاب، حيث قال: «أنا مش ضد إن الست تمثل، أنا ضد إن حد من بيتي يمثل، بنتي أو مراتي، مش عايزهم يشوفوا التعب والمجهود الرهيب اللي إحنا بنشوفه».

وأكد أن هذا الأمر نابع من اهتمامه وحبه لهم، موضحًا: «علشان بحبهم والله واللي بيحب حد بيحافظ عليه».

كما تحدث ماجد المصري عن تأثره في فترة مراهقته وشبابه قبل التمثيل بالفنان جون ترافولتا، قائلًا: «زي الشباب اللي تأثروا بمايكل جاكسون مثلا فكان على أيامي ترافولتا وكان وقتها الشرايط الكاسيت، فكنت بروح السينما وأقطع تذكرة عرض مستمر 5 حفلات في تذكرة واحدة، فكنت بتفرج على ترافولتا وأشوف بيتحرك ويمشي إزاي، وأقلده، وده بعد ما واحد صاحبي قال لي أنت شبهه فبدأت أهتم بيه، وهو اللي حببني أتفرج وأسمع إنجليزي كتير».

وكان ماجد المصري قال في تصريح تلفزيوني سابق عن إمكانية دخول ابنته عالم التمثيل: «مش هتقدر تقول كده، وتطلب منى الطلب ده أصلا عشان هي عارفة إن ده ممنوع، أنا راجل فلاح ومش عايز بنتي تمثل، وعندي ازدواجية في الشخصية في كل ما يتعلق ببنتي وبيتي».


الكلمات المتعلقة‎


مواضيع ممكن تعجبك