تستمع الآن

لقاء الخميسي: مناقشة التنمر في «حتة من القمر» أثرت على تعاملي كأم مع أبنائي

الخميس - ٢٥ نوفمبر ٢٠٢١

استضاف يوسف التهامي وفانا إمام في حلقة الخميس من «عيش صباحك» الفنانة لقاء الخميسي.

حتة من القمر

وتحدثت الفنانة لقاء الخميسي عن حكاية «حتة من القمر» التي قدمتها من مسلسل «زي القمر» قائلة: «اتعرض عليا أفكار كتير لكن حسين إني عاوزة اخرج بره الصندوق بحكاية جديدة نعرف نعالجها في 5 حلقات، لحد ما السيناريست اقترحت عليا فكرة الوحمة ودخلنا في تفاصيل قبول ورفض الذات وإزاي تحب نفسك مهما كان عندك علشان اللي حواليك يعرفوا يحبوك».

وعن تأثير مناقشة مثل تلك القضايا في الدراما، أكدت: «الدراما ليها تأثير في كل تفاصيل حياتنا والفن عمومًا بيغير مجتمعات للأفضل وممكن العكس، وبيدخل في كل تفاصيلنا سواء موسيقى فيلم أو مسلسل، يعني لما أحب أقول لابني حاجة بفكر إزاي أجيبهاله فأبتدي أدور له على فيلم بيحبه فيه الفكرة اللي أنا عاوزة أوصلهاله».

وأوضحت أن فكرة المسلسل أثرت عليها هي شخصيًا كأم، حيث قالت: «من كتر الضغط ساعات الأم ما بتحسش هي بتاكل أو بتعمل إيه والتفاصيل الصغيرة زي أنت ما بتفهمش وغيرها بتأثر في الطفل، فلازم الواحد قبل ما يقول أي كلمة لازم يفكر كتير أوي، والكلام ساعات بيجرح ويعمل مشاكل عالمدى الطويل ويفضل شايلها مع الوقت، يا إما يبقى شخصيته مش لطيفة فبتأثر سلبًا عالمجتمع أو على نفسه».

إجازة مفتوحة

وقالت إن دورها في مسلسل «إجازة مفتوحة» الذي عرض مؤخرًا مع الفنان شريف منير، يشبهها في بعض التفاصيل منها أنها أم وتعمل ومنها أنها اكتشفت أن أبنائها كبروا سريعًا، ومنها أنها اضطرت للمكوث مع أسرتها بعيدًا عن العمل لمدة نحو 3 سنوات للتركيز أكثر مع أبنائها.

راجل وست ستات

وعن مشاركتها في المسلسل الشهير «راجل وست ستات» قالت: «ضرتني جدًا، أنا بحبه جدا بس فيه لحظة معينة ما كانش المفروض أكمل، الله يرحمه ممدوح عبد العليم قال لي أنتي خدتي وش القفص، كان المفروض بعد كده أجري، لأن النجاح ده بيخليني بس لقاء بتاعت راجل وست ستات، وده خلا فيه شخصيات اتداست في الرجلين، ولو اتعرض عليا سيت كوم تاني هرفض».


الكلمات المتعلقة‎


مواضيع ممكن تعجبك