تستمع الآن

شريف منير: أرفض تحدث ابنتي عن حياتها الخاصة وأنتقد بعض ملابسها

الثلاثاء - ٢٣ نوفمبر ٢٠٢١

رفض الفنان شريف منير تحدث ابنته أسما عن حياتها الخاصة عبر السوشيال ميديا كما أبدى تحفظه على بعض ملابسها التي تظهر بها.

وقال في لقائه مع الإعلامية لميس الحديدي في برنامج «كلمة أخيرة»: «ده أنا مش موافق عليه لإن دي خصوصية، وأنا بلومها على الموضوع ده، وبقول لها متقوليش حاجاتك كده، موضوع إنك ارتبطتي وانفصلتي بيحصل في كل الدنيا. وحظك مكانش كويس هنا ممكن يبقى كويس بعد كده، وممكن ميكونش في حد خالص عادي جدا. أنا ضده تماما لإن دي حياتي الخاصة».

وتابع: «أسما بنتي شاطرة في السوشيال ميديا، وأحيانا بنتقد بعض صور ملابسها وبتشيلها لما أضايق»، مضيفًا «أسما كبيرة ومسؤولة عن نفسها، بس لازم أقول عشان أنا أبوها، ولما تلاقيني زعلان بتشيل الصور».

وفي مداخلة لها، نفت أسما شريف منير أن يكون سب فشل زيجاتها هو بحثها عن نموذج يشبه والدها، قائلة: «لأ، أنا برج الحمل وهو برج الثور، فإحنا الاثنين ناقر ونقير، فممكن لو عندي حد زي بابا هنولع في بعض. حتة الاحترام دي لازم أعملها غصب عني عشان هو كبيري. طبعا عنده مميزات كتير بدور عليها في الناس اللي عايزة ارتبط بيها».

وتطرق إلى قضية منع مغني المهرجانات من قبل نقاية المهن الموسيقية، موضحًا أن الشارع والكاتب الكبير صلاح جاهين إذا كان ما زال موجودًا كان سيحب ما يقدمه «ويجز» مثلًا، مؤكدًا أنه ليس مع منع المغنين أنفسهم لكن مع منع الكلام الخارج الذي يتم غناؤه.


الكلمات المتعلقة‎


مواضيع ممكن تعجبك