تستمع الآن

سميحة أيوب: «تزوجت 3 مرات ومحسن سرحان خلاني أكره الرجالة»

الأربعاء - ١٧ نوفمبر ٢٠٢١

تحدثت الفنانة القديرة سميحة أيوب عن حياتها الزوجية السابقة وبداياتها الفنية التي شهدت مشكلات مع أسرتها.

وقالت في لقائها مع لميس الحديدي في برنامج «كلمة أخيرة»: «اخترت الطريق ضد عيلتي وخاصموني وبعدين لما اتشهرت بقى بطريق محترمة فبقوا يطلبوا ودي، لكن في الأول غيرت اسمي مرتين، كان في الإذاعة كان سميحة سامي، وفي السينما ناهد فريد، كنت بتخبط وبعدين وقفت مع نفسي وقفة، قلت أنتي بتقدمي إيه، قدمي شيء محترم واللي عاجله عاجبه واللي مش عاجبه».

وتحدثت عن زيجاتها الثلاثة السابقة، والتي كانت أولها وهي في سن 16 سنة من الفنان محسن سرحان حيث كانت حامل خلال فيلم «شاطيء الغرام»، وأضافت: «مع محسن كنت مراهقة عيلة، كنت بعمل دور أخته الصغيرة في فيلم واتعرفنا على بعض، وبعد الجواز الطبائع اتغيرت لأني كنت عيلة وهو كان ناضج ونجم كبير، وخلفنا ولد، وبعدين محمود مرسي بقصة حب كبيرة جدًا جدًا واتطلقنا وإحنا بنحب بعض، وكان الطلاق علشان أنا بشتغل كتير وبصراحة أنا كنت ظالماه، بخرج من الصبح لحد بالليل بين التلفزيون والإذاعة والمسرح، وقلت له أنا ببني نفسي وأكون في الصورة، وخلفت منه ولد».

وأضافت: «بعد محسن سرحان كنت كرهت الرجالة من الضغط الزائد عن اللزوم وإنه يقفل عليكي ويمنعك من أمك وإخواتك، لكن محمود كان إنسان راقي ومثقف وطيب وفيه حاتجات جميلة، سعد الدين وهبة بقى قعدنا 35 سنة، وكان راجل عاقل أوي وحياتنا كانت صداقة ودي الحياة اللي بتستمر لأن فورة الحب بتهدا بعد كده وبتبقى الحياة ولازم أنتم الاتنين ماسكين الدفة ومفيش حد مهيمن».


الكلمات المتعلقة‎


مواضيع ممكن تعجبك