تستمع الآن

حسام داغر يخضع لجراحة طارئة بسبب إصابة في قدمه

الخميس - ١٨ نوفمبر ٢٠٢١

كشف الفنان حسام داغر عن إصابته بجرح كبير في قدمه يستدعي تدخل جراحي عاجل.

وكتب عبر «فيسبوك» تفاصيل إصابته، حيث قال: «مبحبش أتكلم كتير في حاجة تخص تعب عندي أو أشكي لحد وبحب دايمًا الناس تشوفني مبسوط زي ما بحب أشوفهم مبسوطين.. أنا جيت من السفر امبارح بس كنت مصاب إصابه جرح كبير في رجلي وأنا في جورجيا ودخلت بسببها المستشفي الألماني هناك عملوا جراحة سريعة وافتكرت الموضوع هيخلص علي كده بالمتابعه و لكن بعد كام يوم لقيت الموضوع بيكبر ومخلصش و مضطر أعمل عمليه النهارده في مصر بعد ما رجعت وقالولي الحالة طارئة وللأسف العملية بنج كلي والمتابعه بعدها أهم لضمان نجاح العملية».

وتابع: «قلت الحمدلله وأنا مؤمن دايما إن قضاء الله أخف وأحن من أي حاجة تانية وأكيد ده الأفضل لأني واثق إن ربنا بيختارلي الأفضل .. بطلب منكم الدعاء بس لتخفيف أي ألام وبشكركم أنا بس حبيت أشارك لحظات ضعفي زي لحظات فرحي لأني إنسان طبيعي بشعر بالخوف والضعف زي أي إنسان وبمر بفترات مختلفة بس على طول بقول الحمدلله علي كل شيء.. الحمدلله في السراء .. الحمدلله في الضراء .. الحمدلله عل كل حال».

وتمنى عدد كبير من الفنانين السلامة لحسام بعد منشوره أبرزهم الفنانين: سليمان عيد وأمير صلاح الدين وأمجد الحجار وعماد رشاد وإنجي علاء ومحمد جمعة وإدوارد وعمرو عبد العزيز.


الكلمات المتعلقة‎


مواضيع ممكن تعجبك