تستمع الآن

تفاصيل جديدة يكشفها «بيج رامي» ومنتج عمله الفني عن «أول سوبر هيرو عربي»

الخميس - ٢٥ نوفمبر ٢٠٢١

كشف بطل مستر أولمبيا ممدوح السبيعي «بيج رامي» والمنتج أحمد سمير تفاصيل جديدة عن العمل الفني المشترك بينهما لرمضان المقبل.

وخلال مكالمة هاتفية جمعة المنتج وبطل العالم مع «ET بالعربي» قال المنتج أحمد سمير: «فيه عمل بيننا هيكون مختلف وجديد وبنقدم حاجة لجمهورنا تليق بنجم عالم واللي هيتفرجوا عليه، وأنا متفق مع رامي إننا ما نقولش أي تفاصيل».

وتابع: «بره بيصدروا نماذج خارقة للمجتمع بتاعنا وإحنا عندنا ده نجم وبطل عالم فإحنا هنقدم أول سوبر هيرو عربي، وبنتكلم في شخصيات عالمية زي سوبر مان وهالك وإحنا ما دخلناش المنطقة دي، وهم بره بيمرروا من خلال الشخصيات دي أفكار قد تكون مناسبة لينا أو مش مناسبة».

وقال بيج رامي «لقينا رمضان مناسب جدا لأننا هنكون مختلفين عن كل السوق فهنقدر نحط رجلينا بشكل قوي».

وأكد بيج رامي أنه اتجه لعالم التمثيل لأن تأثيره يستمر مع الجمهور أكثر، وأن كل رياضي يصل لذروته في المجال الرياضي قبل التوقف تدريجيًا.

وتوّج بيج رامي للمرة الثانية على التوالي بلقب مستر أولمبيا 2021، حيث تمكن من التفوق على منافسيه الأمريكي براندون كيري والإيراني هادي شوبان ليفوز باللقب للعام الثاني على التوالي بعد منافسات امتدت يومين، في ولاية فلوريدا الأمريكية.


الكلمات المتعلقة‎


مواضيع ممكن تعجبك