تستمع الآن

بعد جدل كبير.. نيللي كريم توضح حقيقة ما حدث في مهرجان قرطاج

الأربعاء - ١٧ نوفمبر ٢٠٢١

ردت الفنانة نيللي كريم على الجدل الذي حدث بسبب انفعال زوجها هشام عاشور ومنعه المصورين من التقاط صور لهما خلال مهرجان قرطاج السينمائي وكذلك تصريحات رئيس المهرجان عن تفاصيل تكريم نيللي.

وقالت في مداخلة هاتفية لبرنامج «يحدث في مصر» مع الإعلامي شريف عامر: «أنا عمالة أسمع الأخبار وأقرأ حاجات ومدير المهرجان أستاذ رضا الباهي قال كلام فأنا كنت عمالة أسمع وأقول حاجات وبصراحة لاقيت كل الصحفيين بيكلموني أنت مش هتردي مش هتتكلمي رد فعلك ايه فبعد ما فات أكتر من أسبوع من المهرجان أستاذ رضا قال أن أنا جيت وسافرت فجأة ومحضرتش ندوة التكريم».

وتابعت: «أنا لما كلموني علشان أجى مهرجان قرطاج ومشكورين أتكرم وكان شرف ليا أني أبقى موجودة في قرطاج وأتكرم وأنا بحب كتير الشعب التونسي وكان آخر نجم أتكرم كان نجمنا الكبير أستاذ عادل إمام وإني أتكرم ده شرف بس أنا كنت قولتله أني هاجي 24 ساعة بس لظروف التصوير فهل الكلام ده يناسبك فقالولي أه طبعا واللي حصل إني سافرت يوم 30 والمهرجان كان يوم 30 وسافرت 31 الصبح دي أول نقطة فمكانش في إتفاق لأى حاجة تانية».

وعن عدم إلقائها كلمة بعد التكريم، أوضحت: «أنا متعودة في أى مهرجان بنروحه فدايما بيبقي لما بتطلع على المسرح فالمهرجان بيقول للفنان تحب تقول كلمة فالفنان بيروح للميكروفون وبيقول كلمة، أنا الحقيقة قبل ما أطلع على المسرح كان قاعد جنبي الأستاذ طارق الشناوي وكنت لسه بقوله أنا عاوزة أقول كلمة وأشكر المهرجان ولسه بحضر الكلام لاقتهم ندهوا اسمي وكنت مستنية أنهم يقولولي فالحقيقة أنا شخص خجول وبحرج فاتكسفت أطلب وأستاذ صادق الصباح برضه مقالش كلمة».

وشرحت موقف انفعال زوجها هشام عاشور خلال المهرجان بسبب التصوير، قائلة: «أنا لما حد بيطلب أنه يتصور معايا عمري ما بقول لأ بس أنا لما خلص المهرجان حصل هجوم كبير عليا وكنت لابسة فستان طويل والناس داست على فستاني وفي حد زقني واعتراض هشام علشان مكانش معايا أمن وكان في حالة هرجلة لدرجة أن فستاني إتقطع وفات كل ده وأنا متكلمتش».


الكلمات المتعلقة‎


مواضيع ممكن تعجبك