تستمع الآن

نضال الشافعي: «الدكتور قال لي اللي حصل لك معجزة»

الإثنين - ٢٥ أكتوبر ٢٠٢١

تحدث الفنان نضال الشافعي لأول مرة عن تفاصيل أزمته الصحية التي تعرض لها في كواليس تصوير فيلمه الجديد «ميني بار».

وقال نضال في أول لقاء له، مع «ET بالعربي»: «كان اختبار من ربنا الحمد له وربنا كرمنا بالشفا».

وتابع: «كنت بصور في أحد الأعمال وحصل توتر جامد وحصل إني ما استحملتش ده بشكل أو بآخر وأنا كان عندي جيوب قولونية، وده أدى لانفجار أحد الجيوب ودخلت في ثقب في القولون وبعد ما ابتديت أفوق وأرجع قال لي اللي أنت كنت فيه ده معجزة إنه يحصل لأنه قعدت 3 أو 4 أيام من غير ما أعرف إيه اللي عندي».

وعن مسئولية منتج العمل، قال: «ما أقدرش أنفي إن الشركة المنتجة ما كانتش على القدر الكافي من المسئولية في كلامها أنا بعمل العمل كخطوة في مستقبلي فلما ألاقي حاجة مش زي اللي اتفقنا عليها أو اللي تخيلتها فتحس إن مستقبلك انهار».

وأوضح نضال الشافعي أن عدد كبير من نجوم الفن تواصلوا معه للاطمئنان على صحته بينهم أحمد السقا وأحمد عز وشريف منير ومحمد إمام وأحمد السعدني وأمير كرارة وأحمد التهامي ومحمود البزاوي وعمرو عبد العزيز ومحمد جمعة وراندا البحيري وحنان مطاوع.


الكلمات المتعلقة‎


مواضيع ممكن تعجبك