تستمع الآن

رشا مهدي لـ«عيش صباحك»: وقعت في غرام «لحظة ضعف» واختفائي بسبب الأدوار المعروضة عليّ

الخميس - ٢٨ أكتوبر ٢٠٢١

استضاف يوسف التهامي في حلقة اليوم الخميس من «عيش صباحك» على «نجوم إف.إم» الفنانة رشا مهدي، للحديث عن آخر أعمالها ومشوارها الفني منذ بداية الألفينات.

لحظة ضعف

وبدأت رشا مهدي حديثها من آخر أعمالها حكاية «لحظة ضعف» من مسلسل «ورا كل باب» الذي قدمت فيها شخصية امرأة بسيطة من الحارة الشعبية المصرية، وقالت رشا: «أول ما جالي حبيته جدًا ووقعت في غرامه كان دور مختلف عليا وحبيت شخصيتها وحسيتها ست طيبة جدعة وست مصرية بالمعنى الحقيقي وموجودة في كل بيت مصري فما عرفتش أقاومها».

تحدي

وتابعت: «كان نفسي في التحدي ده وأدوار من النوعية دي والمشكلة إن ما كانش حد بيبعت لي أدوار من النوعية دي لأنك ممثل فالمفروض تقدم أنواع مختلفة من الأدوار».

وعن ظهورها بشكل طبيعي بدون أدوات تجميل أو غيرها بما يلائم الشخصية قالت «الشكل الطبيعي هو أكتر حاجة تقربك للناس ولازم تبقى حقيقي في كل تفاصيلك، لازم تبقى صاحي من النوم من غير ماكياج وماحدش بيعمل شعره كل يوم، والست دي مطحونة لدرجة مش فاضية تعمل ضوافرها ولا شعرها، وده قربها من الناس».

سبب اختفائها

وأكدت رشا أنها لا تتعمد الاختفاء طويلًا عن الشاشة: «المسألة بالنسبة لي بتتحسب بالدور اللي مرتاحة أعمله وأكون موجودة بيه مش بالاختفاء والظهور، الدور والمخرج والإنتاج وفريق العمل ومهم إنك تحس إن العمل هيضيف لك وأنت هتضيف للعمل».


الكلمات المتعلقة‎


مواضيع ممكن تعجبك