تستمع الآن

محمد التاجي يطمئن الجمهور بعد أخبار تدهور صحته: «أنا زي الفل»

الخميس - ٠٩ سبتمبر ٢٠٢١

طمأن الفنان محمد التاجي الجمهور على حالته الصحية بعد تداول أخبار عن تدهورها خلال الفترة الأخيرة.

وقال في مداخلة هاتفية لبرنامج «من مصر» على CBC، إنه بصحة جيدة وأن حالته لم تشهد أي تدهور كما أُشيع.

وأضاف: «كلموا بنتي يطمنوا عليّ قالت لهم ده خلاص عمل العملية وبيفوقوه جوا، فجأة الكلام اتحول على السوشيال وكتبوا (صلوا من أجله)، ما أنا كويس أهو، لدرجة إن أنا كنت لسه بفوق من البنج وعملت فيديو لايف عشان أقولهم إن أنا كويس ويصدقوا».

وأوضح أنه أجرى عملية جراحية وخرج من المستشفى بعدها بيومين فقط ولم يكن هناك أي تدهور أو تطور في حالته.

وتابع: «أنا زي الفل، قاعد ومفيش أي حاجة، هي بس السوشيال ميديا الجديدة دي هي اللي عماله تنشر إشاعات وتعمل كلام محصلش، لذلك لازم يتحط لها حد.. أنا عملت عملية بسيطة وتالت يوم خرجت بس خلاص خلصت الدنيا، شوية ولقيت كلام كتير وده بيقلق ناس كتير حواليا.. يلا الحمد لله بس ده بيبين حب الناس وقد إيه هو شيء كبير والله».

وشارك الفنان محمد التاجي في موسم رمضان الماضي من خلال عملين هما: «لحم غزال» مع غادة عبد الرازق، و«لعبة نيوتن»، لكن الأخير هو الذي حقق صدى واسعًا، مع الفنانين: منى زكي ومحمد فراج ومحمد ممدوح وسيد رجب وهو من تأليف وإخراج تامر محسن وسيناريو ورشة كتابة برئاسة مها الوزير.


الكلمات المتعلقة‎


مواضيع ممكن تعجبك