تستمع الآن

ساندي تسرد تفاصيل إصابتها على يد «سمكري البني آدمين»: «اتأذيت في عمودي الفقري»

الثلاثاء - ٠٧ سبتمبر ٢٠٢١

سردت الفنانة ساندي تفاصيل معاناتها مع طبيب العلاج الطبيعي المزور الشهير بـ«سمكري البني آدمين» والذي كان أن يسبب لها شللًا.

وقالت في لقاء لها مع «ET بالعربي»: «أنا أكتر واحدة بتألم ما بعرفش أنام طبيعي من غير مسكنات لأنه رقبتي باظت»، رافضة اتهامات والد المتهم لها بأنها تدعي كل ما قالته بسبب علاقة بين ابنه وبينها، مؤكدة «عندي محامين هيردوا عالموضوع ده لأن ده تشهير».

وتابعت: «أنا مجني عليه هعيش بإعاقة طول عمري، ومحدش حاسس بالألم اللي أنا فيه بقالي سنتين ما بنامش طبيعي علشان واحد ابنه مزور يقول عليا كده.. أنا اتأذيت في عمودي الفقري طول حياتي بسبب إنسان مختل وفي النهاية يتهمني بأني على علاقة بابنه»، مضيفة «الفنانين مع احترامي ليهم طلعوا علشان الترند وأنا من سنتين وأنا بقول حصلت لي إعاقة».

وعن بداية القصة وسبب تجربتها للأمر: «روحت لأني عندي مشكلة في عمودي الفقري وقلت له الطقطقة مش صح لحالتي فقال لي مين قال لك كده هو أنا بتاع كبده وشاور لي على حيطة كبيرة من الشهادات بتاعته».

وقالت إنها شعرت بأعرض غريبة بعد «الطقطقة»، موضحة: «حسيت بسخونة رهيبة وحسيت إن روحي اتسحبت ولما سألته قال لي دي الدورة الدموية، ولما روحت الجونة ما كنتش قادرة ألبس العدسات من كتر الصداع اللي عندي، وكان شكلي متغير في الصور لأني كنت تعبانة».

وأضافت إنها اكتشفت إصابتها بعدما استشارت طبيب آخر: «الدكتور قال لي هو أنتي عملتي حادثة لأن عندك حاجة كانت هتجيب لك شلل، ووريته الفيديو فقال لي هو ده.. ده كان هيقتلك، الغضروف لما طرقع في المكان الغلط فريح على النخاع الشوكي»، مؤكدة «هو تقريبًا سادي أو عنده حاجة هو بيقتل الناس».

وكانت النقابة العامة للعلاج الطبيعي، أعلنت السبت، ضبط أحد الدخلاء على المهنة ويدعى “ي.خ” الشهير ب”سمكري البني آدمين”.

وأوضحت النقابة عبر حسابها على فيسبوك، أنه جرى اتهامه بتزوير بطاقه الرقم القومي وتزوير شهاده تخرج، وأمرت النيابه العامة بحبسه ١٥ يوما على ذمة التحقيق.


الكلمات المتعلقة‎


مواضيع ممكن تعجبك