تستمع الآن

أحمد العوضي يحكي للمرة الأولى تفاصيل الأزمة الصحية لزوجته ياسمين عبد العزيز

الأحد - ١٢ سبتمبر ٢٠٢١

تحدث الفنان أحمد العوضي للمرة الأولى عن تفاصيل الأزمة الصحية لزوجته الفنانة ياسمين عبد العزيز بعد شهرين من مرضها، قبل تعافيها تمامًا.

وقال «العوضي» في مداخلة لبرنامج «كلمة أخيرة» مع الإعلامية لميس الحديدي: «كنت منتظر خلال الشهرين اللي فاتوا لما ياسمين تبقى مستقرة علشان ما ينفعش أطمن الناس وأنا مش متطمن».

وقال أحمد إن زوجته «كويسة وتعافت تمامًا الحمد لله وخلال أيام هتكون موجودة في مصر ووسط جمهورها».

وسرد العوضي تفاصيل الواقعة تفصيليًا منذ يوليو الماضي، حيث أوضح: «كانت داخلة يوم 11 يوليو تعمل عملية بسيطة متعارف عليها بين النساء، عملية نسائية يعني، والمفروض إن الطبيب المعالج قال إنها هتطلع خلال 4 أيام فحصل تدهور في الحالة بعد العملية، مش هقدر أقول فيه خطأ طبي لأني ما بحبش أتكلم بدون إثباتات لكن اللي متأكد منه إن حصل إهمال جسيم في متابعة الحالة، لأن دي مش مضاعفات عادية والمشكلة إنهم ما عرفوش يتفادوا المضاعفات لأنها كانت هتروح فيها.. لما تكلمك تقول لك بموت تقول لها أنا في إجازة وتضحك وتقول لها اتعشي واتمشي!».

وتابع: «قعدت 4 أيام تتأوه وتقول أنا بموت، وتكلم الدكتور يقول إن المضاعفات دي بتحصل لـ15% من اللي بيعملوا العملية، والتشخيص اللي حصل كان من دكاترة من بره المستشفى وأنقذ حالتها».

وأكد أحمد العوضي على أنه سيصعد الأمر للقضاء، قائلًا: «المقصر لازم ياخد جزاءه قانونا وأنا هتحرك قانونيًا وواثق في القضاء المصري والمقصر ياخد جزاءه».

وعن مدى خطورة الأمر، قال: «لما عرضت التقرير الأخير على دكتور آخر قال لي 3 ساعات والمريضة هتموت، ودكتور عصام شلباية دخل عمل لها العملية في 4 ساعات وأنقذ حياتها».

ورد العوضي على شائعات انفصاله عن زوجته خلال أزمتها، موضحًا: «ياسمين كانت واخدة الجرعتين وأنا كان فاضل لي جرعة فما كانش ينفع أخليها تنتظر نسافر سوا، ففضلت لحد ما أخدت الجرعة التانية وسافرت تاني يوم».

وطمأنت ياسمين عبد العزيز جمهورها في أول رسالة لها منذ دخولها الأزمة الصحية، حيث كتبت عبر «إنستجرام»: «جمهوري الغالي في مصر والوطن العربي وحشتوني جدا.. الحمد لله انا بقيت كويسه وتعافيت الحمد لله عاوزاكم تتطمنو.. رغم كل الصعب اللي مريت بيه في ازمتي الاخيره إلا إن سؤالكم ودعمكم هو اللي كان بيهون عليا كل اللحظات المره اللي عدت عليا .. وكفايه اني اقولكم اني حقيقي شفت الموت وكان قريب جدا .. لكن بفضل الله وبفضل دعواتكم الجميله الصافيه وبفضل وقوفكم جنبي بقلبكم وبحبكم وبنيتكم الطيبه ربنا استجاب لدعواتكم وربنا كرمني وعديت المحنه علي خير الحمد لله».

 

View this post on Instagram

 

A post shared by Yasmin Abdelaziz (@yasminabdelaziz_)

وتابعت: «كلمة شكرا قليله اوي عليكم وعلي حبكم انا بحبكم جدا وحقيقي انا عاجزه اني اردلكم كل الحب وكل الدعم اللي شفته منكم … بشكر ربنا وشكرا جمهوري الغالي في مصر والوطن العربي».


الكلمات المتعلقة‎


مواضيع ممكن تعجبك