تستمع الآن

ابنة الراحل ماهر سليم توجه رسالة مؤثرة لوالدها بعد أيام من وفاته

الأحد - ٠٥ سبتمبر ٢٠٢١

وجهت أسماء ماهر رسالة لوالدها الراحل الفنان ماهر سليم بعد أيام فقط من وفاته إثر تعرضه لوعكة صحية.

وقالت عبر «فيسبوك»: «بابا! أنا مش قادرة أكتب ولا أرد على حد ولا أعمل أي حاجة غير أني أسكت وللأسف مش مستوعبة إن كل ده حصل».

وتابعت: «عقلي رافض كل اللي حصل واللي بيحصل، بس النهاردة كان لازم أنزل البوست ده لأسباب كتير..أولهم وأهمهم أحساسي، بابا كان حكالي موقف مؤثر جدآ جواه، لما والدة بابا توفت اللي هي جدتي، دفنها الصبح وخد العزا ونزل وقف على خشبة المسرح كان عنده عرض كوميدي، وبالفعل نزل وعرض، أنا سألته ساعتها ازاي قدرت تكمل! قالي الحياة وقفت جوايا بس من برا الحياة مشيت».

ماهر سليم

وأضافت: «الموقف ده اتكرر النهارده وكأنه كان بيحكيلي اللي هيحصلي أو بيمهدلي، يوم وفاة بابا 9/2 كان عندي افتتاح عرض (محل اللعب) على مسرح الهناجر بالأوبرا، أنا دفنت بابا الصبح واتصلت بالمخرج قولتله إني جاية العرض بالليل، وطبعا بما إن الزمن غير الزمن، المخرج إيهاب ناصر رفض وأصر إني مجيش يومين، وبالفعل حصل..ولكن النهاردة أنا نزلت عرضت كوميدي، الإحساس قاتل وأنت بتعمل عكس اللي جواك، إحساس قريب من الانهيار الداخلي، أنا بس عايزة أقول أنا شبهك في كل حاجة مش بس شكلك، أنت دلوقتي في مكان يليق بنقاء روحك، بس وحشتيني أوي يا بابا ووجعتني أوي أوي».

وكان آخر عمل شارك فيه الفنان الراحل فيلم «وقفة رجالة» بطولة سيد رجب، ماجد الكدواني، بيومي فؤاد، وشريف دسوقي.


الكلمات المتعلقة‎


مواضيع ممكن تعجبك