تستمع الآن

إسلام إبراهيم عن حمزة العيلي: «ليه حد بموهبته معندوش مسلسل بتاعه!»

الأربعاء - ٢٢ سبتمبر ٢٠٢١

وجه الفنان إسلام إبراهيم رسالة مدح في صديقه الفنان حمزة العيلي، الذي وصفه بـ«الفنان العالمي».

وكتب إسلام عبر «يسبوك»: «في مسلسل شقة ٦بنشوف في الاول شبح مرعب بيظهر للبطلة بمجرد ظهوره بنموت من الرعب وبعد كده بنكتشف انه مؤلف موهوب مغمور وحقه مهدور بسبب انعدام الفرص والمحسوبية….. بيعاني من الفقر الشديد فبيضطر يبيع مبادئه عشان يقدر يعيش وياكل ويشرب غير انه شخص مريض نفسيا وبيعاني من الوسواس القهري وعاشق ولهان بيحب بصدق بيتورط في اعمال غير مشروعة وبيتحول لمجرم».

وتابع: «كل دي تفاصيل عملها حمزة العيلي بمنتهي البراعة رغم ان جمله الحوارية كانت قليلة جدا اداءه كان كله احساس داخلي وتعبير بالعنين وبلغة الجسد مخرجش بره الشخصية للحظة مش قادر انسي مشهده وهو واقف قدام عربية الاسعاف ومقهور علي حبيبته مش قادر انسي مشهده وهو ضعيف ومكلوم بعد موت حبيبته وبيتخانق مع ممدوح الجزار اللي عارف من جواه انه اقوي منه بس مش قادر يسكت وبيشوح وايده بتترعش وبيزعق وصوته مهزوز حاجة ملهاش غير تفسير واحد ان الراجل ده جوه الشخصية جدا وناسي تماما انه حمزة هو في اللحظة دي زياد والحقيقة ان حمزة لاني اعرفه معرفة شخصية ولا دور شفتهولوا كان حمزة …مفيش شخصية عملها كانت  شبهه او شبه التانية شكلا وموضوعا …ده علي مستوي الاحساس علي مستوي التكنيك والمهارات صوته وهو بيسرد الاحداث كراوي وتمكنه من اللغة العربية حاجة مشرفة وفي منتهي الرقي وده طبعا لان حمزة ممثل مسرح من الدرجة الأولى».

ومدح إسلام إبراهيم في إمكانيات زميله، قائلًا: «بدون اي تحيز وبمنتهي الشفافية حمزة فنان عالمي مش بالمعني البلدي اللي بنقولوا ع القهوة (انت عالمي ياسطي) لا بالمعني الاكاديمي للكلمة حمزة  بيستخدم تكنيك عالمي ومثقف جدا في تناوله لشخصياته».

ووجه إسلام رسالة حازمة لصناع الدراما: «وفي سؤال محشور في زوري هو ليه حد بحجم موهبة حمزة العيلي وبسنين خبرته معندوش مسلسل بتاعه ليه الناس اللي عندهم الدرجة دي من الموهبة مش هما اللي متصدرين المسلسلات والأفلام».


الكلمات المتعلقة‎


مواضيع ممكن تعجبك