تستمع الآن

 أحمد سعد: لم أخضع لعمليات تجميل وأعتبر زوجتي الحالية أول ارتباط في حياتي

الخميس - ٣٠ سبتمبر ٢٠٢١

وصف الفنان أحمد سعد زيجته الحالية بأنها تعد أول ارتباط في حياته بعد زيجاته السابقة من داخل الوسط الفني.

وعن تفاصيل اختلاف زيجته الحالية عن سابقاتها قال: «فيه حاجات كتير في حياتي ما عملتهاش وعملتها دلوقت، وكنت وقتها ناقم عليها زي إزاي حد يروح يتقدم ويعمل خطوبة وبعدين ينزلوا يختاروا عفش مع بعض والناس اللي بيعملوا كده دقة قديمة، لكن فهمت إن كل ده مفيش بعده حلاوة، يعني دلوقت بعد ما كنت شخص مهرجل بقيت بخاف حد يدوس عالسجادة علشان أنا اللي نزلت اختارتها وجبتها بنفسي، فتفاصيل الحياة بيننا ما كانتش مقلوبة لكنها بتمشي زي ما كل ناس في الحياة بتعملها».

وأوضح أن ميعاد زواجه من زوجته الحالية علياء بسيوني تغير لنحو 6 مرات بسبب وجود «عكوسات» كما وصفها تحدث في كل مرة، لدرجة أنهم قرروا تحديد الميعاد في الخفاء ولم يعرف أحد سوى شقيق أحمد «سامح» ووالدته فقط.

وتطرق أحمد سعد إلى الجدل حول تغير شكله وتداول أخبار حول إجرائه عمليات تجميل، موضحًا: «عمليات الفيلر والبوتوكس لسه ما روحتلهاش لكن ما عنديش مشكلة معاها ولو عملتها هقول، لكن انا عندي مشكلة في الفك بسبب سناني، فيه جنب مش زي التاني، وأنا ظبطتها بس».

واحتفل الفنان أحمد سعد بعقد قرانه على مصممة الأزياء علياء بسيوني في 21 أغسطس الماضي في حفل بسيط بحضور الأهل والأصدقاء، وفي يوم عيد ميلاده، كما سبق واحتفل بخطبته يوم عيد ميلاده كذلك.


الكلمات المتعلقة‎


مواضيع ممكن تعجبك