تستمع الآن

كواليس جديدة عن مشهد «حاولت اعمل حاجة صح» من «الباشا تلميذ»| صورة

الأحد - ٢٢ أغسطس ٢٠٢١

كشف المخرج مجدي الهواري عن كواليس جديدة من فيلم “الباشا تلميذ”، كان بطلها الفنان محمد رجب، مشيرا إلى أن الفنان الشاب كان يريد أن يغير من نظرة الجمهور له بسبب أدوار الشر التي قدمها في أعماله الفنية.

وأكد عبر صفحته على موقع التواصل “فيسبوك”، أن محمد رجب طلب منه أن يلعب دورًا غير دور الشرير حيث كان يرغب في دور “حمزة” الذي قام به الفنان رامز جلال إلا أن الهواري أصر على أن يقدم دور “طارق كابو”.

وتابع: “في يوم من الأيام وأنا بعمل فيلم (الباشا تلميذ) جالي محمد رجب وقالي نفسي تغير نظرة الجمهور لي في أدوار الشر اللي بعملها.. مرة مغتصب.. ومرة اتهجم ع البطلة.. ودائما ضد البطل اللي بتحبه الناس.. هل أنا هفضل طول حياتي كده مكروه؟”.

وأكمل: “قالي شوف ياريس أنا هعمل الفيلم وهلعب الدور ده، لكن كان نفسي تشوفني في حاجة تانية غير دور الشرير ده، وكان نفسه يلعب دور حمزه اللي عمله رامز جلال. بصراحة صعب علي.. قولتله لا اعمل دور طارق كابو في الفيلم ده وهنخليك تعمل حاجة صح يارجب! وسكت وسمع الكلام الصراحة”.

وتابع الهواري: “فضل طول الفيلم يسألني مش هتنفذ وعدك لي.. أنا اقوله عيب أنا وعدتك انك تعمل حاجة صح.. ومش فاهم حاجة.. يضحك ويسكت ويقولي ماشي أنا واثق فيك.. وخلص الفيلم وهو يأس تماماً لدرجة أنه مبقاش حتى يسألني، لحد ماجيت في آخر مشهد قولتلهم هاتوا محمد رجب تصوير مشهد الفينال وجه فعلاً وهو والله مش عارف جاي ليه”.

واستطرد: “في مشهد هو مش فيه اصلاً فجأة قولتله محمد انت هتنزل من هنا وتضرب لبسيوني تعظيم سلام وتقوله (حاولت اعمل حاجة صح) مكنش مصدق نفسه لأنه ده مكنش مكتوب في السناريو ولا حد كان يعرف.. وكانت مفاجأة للجميع وللجمهور كمان أن يطلع طارق كابو هو اللي ساعد البطل”.

وأضاف:”مشهد فارق في حياة محمد رجب مع الناس إلى الآن .. و غير من بعدها جلده من شرير الفيلم لأدوار كلها طيبة وحنية”.

أحداث الباشا تلميذ

دارت أحداث “الباشا تلميذ” عن ضابط شرطة شاب، يُكلف بكشف عصابة كبرى لتجارة المخدرات في إحدى الجامعات الخاصة فيتنكر في شكل طالب بالجامعة ليتمكن من الاندماج داخل شلة من الأصدقاء ليصل من خلالهم إلى العصابة.

الفيلم من بطولة: كريم عبدالعزيز، غادة عادل، محمد رجب، محمد لطفي، حسن حسني، رامز جلال، خالد الصاوي، منى هلا، لطفي لبيب، مها أحمد، ألفت سكر، محمد الدفراوي.


الكلمات المتعلقة‎


مواضيع ممكن تعجبك