أعرب الفنان سعد الصغير عن سعادته بالكم الكبير من الرسائل التي حصل عليها بعد إنقاذه طفلين من التشرد على كورنيش الإسكندرية ووعد بتوفير مكان لهما.
وأعاد سعد الصغير نشر منشورًا لأحد متابعيه، يوجه له الشكر بعد هذا الموقف الإنساني، وعلق: “رسائل حضراتكم بشوفها والكومنتات بشوفها، أعظم حاجة في الدنيا تساعد حد مش قادر كان الواحد ممكن في يوم من الأيام يكون مكان الناس دي وبجد الكلام من كل قلبي وربنا يعلم ما في القلب”.
وأضاف: “حابب بس أشكر كل الناس أخواتي وأصحابي اللي دايما بيشجعوني وحضراتكم على فعل الخير دايما، وده اللي الناس هتفتكر بي مش أكتر مفيش حاجة هتدوم كله هيمشي فا بس قلت أصبح عليكم، وياريت أي حد يقدر يساعد أي حد غلبان محتاج بجد أو أي حالة يساعد والله، والله عن نفسي كل اللي الواحد فيه ده من كرم ربنا فقط، أتمنى كلنا نحب بعض ونساعد بعض واللي معاه يساعد اللي مش معاه صباح الفل على أحسن وأطيب شعب في العالم”.
وكان سعد الصغير قد أطلق بثا مباشرا بصحبة الطفلين “يحيى ومحمد”، عبر صفحته الرسمية بموقع التواصل الإجتماعي “فيسبوك”، وتبين أنهما ضحية التفكك الأسري فوالدتهما ووالدهما منفصلين وكلا منهما تزوج من آخر، الأم تزوجت من شخص كفيف قال عنه الأطفال إنه كان قاسيا معهما، وتزوج الأب من أخرى، وشكا الطفلان من سوء معاملة زوجة الأب لهما وبكى أحدهما مؤكدًا أن بسببها تأثرت حالة إحدى عينيه.
يذكر أن الفنان سعد الصغير، طرح مؤخرًا أغنية “عسل أبيض” وهي من كلمات مصطفى حسن وألحان محمد عبدالمنعم وتوزيع زيزو فاروق.
عثر عليهما صدفة بينما كان في بث مباشر.. المطرب الشعبي "#سعد_الصغير" لوالد طفلين مشردين "ولادك عندي لما يحن قلبك"#مصر #العربية pic.twitter.com/ZyHCQ1DI6O
— العربية مصر (@AlArabiya_EGY) August 21, 2021
مواضيع ممكن تعجبك
