تستمع الآن

أول إصابة في الوسط الفني بمتحوّر «دلتا» الجديد

الأربعاء - ٠٤ أغسطس ٢٠٢١

أعلن السيناريست محمد دياب إصابته بالمتحور الجديد من فيروس كورونا المعروف باسم «دلتا»، أثناء تواجده حاليًا في ألمانيا.

وكتب «دياب» عبر «فيسبوك»: «بقالي أسبوعين عندي النسخة الجديدة من كوفيد (دلتا) و رغم إني واخد الفاكسين إلا أن الحماية من دلتا كانت محدودة في حالتي، أنا متأكد إني لو مكنتش واخد الفاكسين كانت حالتي هتبقي أسوأ بكتير بس الحقيقة إن الفاكسينز اللي أظهرت مناعة ضد المتغيرات الجديدة هي الفاكسينز صاحبة تكونولوجيا mRna فايزر و مودرنا. وانهارده ألمانيا عاوزة كل الناس تاخد جرعه منشطة من فايزر أو مودرنا أيًا كان التطعيم اللي خدوه في الأول».

وتابع: «أنا حبيبت أحذر اللي واخد الفاكسين وفاكر إنه مش محتاج ياخد احتياطاته، الموضوع صعب، وأنا بعتبر نفسي من الناس اللي صحتها كويسة واتبهدلت ولو جه لحد كبير في السن هيبقي أصعب بكتير، أرجوكوا خدوا بالكوا من نفسكوا، متنسوش تدعولي و تدعوا لكل مريض».

ويعرض لمحمد دياب حاليًا فيلم «أميرة» من تأليفه مع أشقائه خالد وشيرين، في عرضه العالمي الأول بمهرجان فينسيا السينمائي الدولي، وينافس الفيلم ضمن مسابقة آفاق.

ولمحمد دياب عدة أعمال شهيرة بينها «الجزيرة 1و2» و«طلق صناعي» و«اشتباك»، وكانت آخر أعماله الدرامية مسلسل «السهام المارقة» بطولة شريف سلامة وشيري عادل وهاني عادل وعائشة بن أحمد، من كتابته مع إخوته خالد وشيرين دياب، وإخراج محمود كامل.


الكلمات المتعلقة‎


مواضيع ممكن تعجبك