تستمع الآن

ميار الببلاوي للشامتين في إصابتها: «مبأذيش حد ولا بغضب ربنا»| صورة

الثلاثاء - ٠٦ يوليو ٢٠٢١

وجهت الفنانة ميار الببلاوي رسالة إلى الشامتين في مرضها خلال الفترة الماضية، في أعقاب إصابتها بكسور نتيجة حادث وقعت له بالمنزل، ما استدعى التدخل الجراحي والطبي لها.

وأكدت ميار الببلاوي عبر صفحتها على موقع “فيسبوك”، أن الشامتين في مرضها وكثرة إصاباتها في الفترة الأخيرة لا يعلمون ما تمر به من ظروف، موضحة: “ربنا عالم بيا وحسبى الله ونعم الوكيل”.

وأضافت ميار الببلاوي: “اللى باعتنلى بيقولوا انتي كل حاجه تهوليها.. إيه يعني (ضرفة) دولاب وقعت؟، طيب دي (ضرفة) الدولاب أداة الجريمة أمي بتحب الخشب الأرو والغرف العمولة وتعتز جدا بيها وبتقول دي بتعيش وملهاش دعوة الموديل اتغير ولا لأ”.

وتابعت: “ضرفة الدولاب محدش يقدر يشيلها ولا الأدراج ولا حتى ملة السرير والله الضرفة دي النجار بيجيب البواب وواحد كمان علشان يشيلوها.. أنا مبدعيش أنا تعبت من نوم السرير بقالي شهور كل ما أقوم يوم أنام شهر مش قادره أتحرك”.

وأضافت الببلاوي: “اللي يعرفنى يعرف إني (أكتف) جدًا والله نفسي أقوم علشان أمي وابني ومحدش بيخدم حد ومحدش بيستحمل حد يارب ماتحوجنى يارب رضيت بقضائك.. ويا شمتانين أنا مبأذيش حد ولا بغضب ربنا لأي سبب وشماتتكم فيا ربنا عالم بيها.. حسبي الله ونعم الوكيل”.

شائعات تلاحقها مؤخرًا

كانت الببلاوي قد تعرضت لأزمة صحية في شهر نوفمبر الماضي خلال وجودها في الولايات المتحدة الأمريكية، دخلت على إثرها إحدى المستشفيات هناك.

وعقب خروجها من المستشفى بعد انتهاء العملية، قررت العودة إلى مصر وسجدت في أرض المطار بعد العودة.

فيما تعرضت ميار الببلاوي إلى شائعات تفيد بوفاتها عبر مواقع التواصل الاجتماعي، قبل أن تقوم تظهر عبر صفحتها على “فيسبوك” وتقوم بنفيها.


الكلمات المتعلقة‎


مواضيع ممكن تعجبك