تستمع الآن

زينة تكشف كواليس أزمات مسلسلها «كله بالحب»: «غلط ومش هيتكرر تاني»

الإثنين - ١٢ يوليو ٢٠٢١

تحدثت الفنانة زينة لأول مرة عن الأزمات التي شهدها مسلسلها الرمضاني «كله بالحب».

وقالت زينة في لقاء مع «ET بالعربي»: «ما كنتش أحسن حاجة ولا أحسن واحدة ولا في أحسن حالاتي وأنا ما بضحكش على نفسي ولا بضحك على الناس عمري ما هطلع أقول أنا كسرت الدنيا وأنا مش كده، المسلسل اتشاف وعمل ريتينج كويس والقصة ظريفة والكاست كويس بس في الأخر كانت فيه غلطات كتير وحاجات ضرت المسلسل وتقصير في حاجات كتير وتقصير مني إني دخلت أصور وأنا مش معايا الـ30 حلقة فبقيت مضطرة أرضى بالأمر الواقع وكل ده غلط ومش هيتكرر مرة تانية في حياتي».

وعن أزمة تكرار اسمها في تتر العمل، قالت: «الموضوع ده ضحكني أوي، ولما شوفتها قلت إيه يا جماعة اللي أنتم عاملينه ده، واتصدمت بصراحة، لأني كنت في التصوير، وبعد تالت يوم غيرنا التتر وأنا عمري ما بحب كلمة النجمة دي، وعمري ما عملت كده، لأن أنا شبعانة نجاح».

كله بالحب

وأوضحت زينة أن المتفق عليه بخصوص التتر مع شركة الإنتاج أن يكون اسمها في البداية «زينة.. في كله بالحب»، مضيفة أن بقية الأبطال طالبوا أن يكونوا معها قبل اسم المسلسل، فتم الاتفاق على تثبيت اسمها ثم إضافة بقية الأسماء، وبسبب ضيق الوقت ظهر بهذا الشكل.

وعن الخلاف الذي وقع بين النجوم أحمد السعدني وصابرين وبينها، قالت إنهم لم يتقابلوا بعد ما حدث، مشيرة إلى أنهما زميلين ولم يكونوا أصدقاء، مؤكدة أن الأمر راجع لهما وأنها لا تحمل أي شيء تجاههما.

وأكدت زينة أنها اتخذت قرار بعد المسلسل بألا تعمل مع مخرجين جدد، كيلا تتحمل هي مسئولية العمل بأكمله.

مسلسل «كله بالحب» من بطولة: زينة وأحمد السعدني وصابرين وهالة فاخر ومصطفي درويش ومحسن منصور وريم البارودي وسامر المصري، ومن تأليف ورشة أحمد الشخيبي، وإخراج عصام عبد الحميد.


الكلمات المتعلقة‎


مواضيع ممكن تعجبك