تستمع الآن

حفيدة رجاء الجداوي تحكي ذكرياتها مع جدتها في ذكراها الأولى

الثلاثاء - ٠٦ يوليو ٢٠٢١

خرجت «روضة» حفيدة الفنانة الراحلة رجاء الجداوي في أول ظهور إعلامي لها لتحكي عن ذكرياتها مع جدتها الفنانة القديرة في الذكرى الأولى لرحيلها.

وقالت «روضة» في لقائها مع والدتها في برنامج «كلمة أخيرة» مع لميس الحديدي عن جدتها الراحلة: «وحشتني أوي في كل حاجة، كل حاجة حلوة بعملها بحسها لسه معايا وبقول لها وحشتيني وعرفت قيمتك بزيادة دلوقت، علشان الفترة مابين المدرسة والجامعة وكل حاجة بتتغير محتاجاها معايا».

وأضافت: «بحب أفلامها كلها وأنا وهي بحب نتفرج سوا على أعمالها، وقبل الوفاة كنا بنتفرج على لعبة النسيان آخر مسلسلاتها وكمان ريح المدام، وبنقعد نضحك سوا».

رجاء الجداوي

وحكت حفيدة رجاء الجداوي عن تكرر مشهد جدتها مع عمر الشريف في فيلم «إشاعة حب» بتفاصيله في إحدى حفلات مدرستها، عندما كانت ترقص مع زميل لها وداس بقدمه على فستانها فتعثرت ووقعت فقالت له جدتها «مادام ما بتعرفش ترقص بترقص ليه» نفس الجملة التي قالتها في الفيلم.

وعن أنشطتهما سويًا، قالت حفيدتها: «كانت بتذاكر لي اللي هي عارفاه واللي هي مش عارفاه بس علشان تدعمني، كنت برجع من المدرسة أغسل وشي وأدخل أقعد معاها ساعة أو ساعتين، كنت بحكيلها كل حاجة وتعرف عني كل حاجة وعن صحابي، وكنت بحب أوي نصايحها وبتديني النصيحة الصح في الوقت المناسب وأهم حاجة قالتهالي إني ما أشيلش من حد وما أمثلش إني بحبه وأنا مش متسامحة معاه».

ولأن رجاء الجداوي كانت عارضة أزياء في الأساس فكانت هناك النصائح حول تفاصيل الملابس والمشي وغيرها، تقول الحفيدة: «كانت دايمًا تقول لي افردي ضهرك وأنتي ماشية إحنا لما كنا بنتمرن كانوا بيحطوا كتب على راسنا ونمشي بيهم، وكانت بتحاول تقنعني إني أبقى موديل بتقول لي أنتي طويلة وشكلك حلو ما تجربي».


الكلمات المتعلقة‎


مواضيع ممكن تعجبك