تستمع الآن

أحمد سعد يحكي موقفًا غريبًا حدث خلال وجوده في أحد الأفراح| صورة

الأحد - ٢٥ يوليو ٢٠٢١

كشف المطرب أحمد سعد عن موقف مؤثر تعرض له أثناء إحياء إحدى حفلات الزفاف، على حسابه بموقع التواصل الاجتماعي “انستجرام”.

ونشر أحمد سعد صورا من حفل الزفاف الذي حضره خلال الفترة الماضية، مشيرًا إلى أن حفل الزفاف كان مليئًا بالبكاء.

وتابع: “كنت بغني في فرح.. ولكن الفرح كان مليء بالبكاء.. بدأت بأغنية (كل يوم) والناس مبسوطة وبعدها بغني أغنية (بحبك ياصاحبي) قامو الناس جريوا عليا بسرعة وقالوا لي لأ ماتغنيش أغنيهة بحبك ياصحبي، ماتغنيش بحبك ياصاحبي!”.

وأضاف أحمد سعد: “مافهمتش في إيه؟! فماغنتش (بحبك ياصاحبي)، والعروسه قامت بتعيط وجريت بعيد عن الفرح! فغنيت أغنية تانية قامت العروسه قامت تاني وعيطت وسابت الفرح!.. مكنتش فاهم في إيه؟! طب أغني إيه؟!”.

وأكد: “المعازيم قالولي معلش لأن هي بتحب أبوها جدا وأبوها كان بيحبك حب غير عادي وأنت بالنسبة له ’هم حد وكل الأغاني بتاعتك لها ذكريات مع أبوها، وهي كانت بتغنيله (بحبك ياصاحبي) لو هو موجود دلوقتي كان اول حد هايجيبه يغني في الفرح كان هايكون انت، ومش العروسة هي اللي جابتني الفرح”.

وتابع: “العروسة في الفرح طول الوقت تبصلي وتفتكر ابوها وتعيط.. العروسة دي علمتني يعني إيه بنت بتحب أبوها وأن الحب ده قد إيه حقيقي وصادق ونقي، وأن الأب ده كان راجل طيب و أب حنين علشان يتغناله من بنته بحبك ياصاحبي”.

انفصال أحمد سعد

كان المطرب أحمد سعد قد انفصل عن خطيبته علياء بسيوني بعد قصة حب وارتباط دام لمدة 10 أشهر.

ولم يكشف أي من الطرفين عن أسباب الانفصال على الرغم من قصة الحب والاستعداد لعقد القران، وفقًا لما أعلن عنه برنامج “ET بالعربي”.


الكلمات المتعلقة‎


مواضيع ممكن تعجبك